قىتايدا كوروناۆيرۋستى جۇقتىرعانداردىڭ جالپى سانى 17 205 ادامعا جەتىپ، 361 ادام قايتىس بولدى. جاڭارتىلعان مالىمەتتەردى جۇڭگو مەملەكەتتىك دەنساۋلىق ساقتاۋ كوميتەتى حابارلادى، - دەپ جازدى  Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.

اقپاننىڭ ەكىسىنەن ۇشىنە قاراعان ءتۇنى مەملەكەتتىك دەنساۋلىق ساقتاۋ كوميتەتىنە 17 پروۆينسيادان كوروناۆيرۋستىڭ جاڭا تۇرىنەن تۋىنداعان ۆيرۋستى جۇقتىرعان 17 205 ادام تۋرالى اقپارات كەلگەن. ولاردىڭ ىشىندە 2296 ادامنىڭ اۋىر حالدە جاتقانى، 361 ادامنىڭ  قايتىس بولعانى، 475 ادامنىڭ اۋرۋحانادان شىعارىلعانى انىقتالدى.

وتكەن تاۋلىكتە اۋرۋدىڭ جاڭا ءتۇرىن جۇقتىردى دەگەن 2829 ادام تىركەلگەن. سونىمەن قاتار، ينفەكسيانىڭ 15 جاڭا ءتۇرى گونكونگتا، ماكاودا - 8، تايۆاندا - 10 تىركەلدى.

كوروناۆيرۋستىڭ جاڭا ءتۇرىن جۇقتىردى دەگەن 21،558 ادام دارىگەرلەر قاراۋىندا. قازىرگى ۋاقىتتا ناۋقاستارمەن تىعىز بايلانىستا بولعان 152،7 مىڭ ادام باقىلاۋدا.