بىلتىر ساۋدا جانە ينتەگراسيا ءمينيسترى باقىت سۇلتانوۆ وكق-دا وتكەن باسپا ءسوز ءماسليحاتىندا قازاقستان دۋبايداعى EXPO كورمەسىنە 9 ملرد تەڭگە جۇمسايتىنىن حابارلاعان. كەيىننەن كورمەگە جۇمسالاتىن قاراجاتتىڭ ءبىرشاماسىن قىسقارتامىز دەپ مالىمدەمە جاسادى.
ءمينيستردىڭ ايتۋىنشا، EXPO كورمەسىنە بولىنگەن قارجىنى تالقىلاۋعا ارنالعان كوميسسيا كۇنى ازىرگە بەلگىسىز. ياعني، بۇل ءىستىڭ ءبىر كۇننىڭ جۇمىسى ەمەس ەكەنىن ايتىپ، كورمەگە 2-3 جىلدان بەرى دايىندىق جۇرگىزىپ كەلە جاتىرمىز جانە بىلتىر دا قاراجات بولىنگەن دەپ ءتۇسىندىردى.
"ۇلتتىق ەكونوميكا مينيسترلىگىندە بولعان قاراجات ءبىزدىڭ مينيسترلىك قۇرىلعاننان كەيىن بىزگە كوشتى. سوندىقتان بىرگە تالقىلاپ، كوميسسيادا شەشىم شىعارىلادى. ارينە، تاپسىرما تۇسكەننەن كەيىن بارلىق ءتيىمسىز قاراجاتتى قىسقارتامىز. بۇل تەك ءتيىمسىز قاراجات ەمەس، بيۋدجەت شىعىندارىن وڭتايلاندىرۋ جاعىنان دا قاراستىرۋ"، - دەيدى باقىت سۇلتانوۆ.
پىكىر قالدىرۋ