اقتاۋدا بەلگىسىز ينفەكسيادان ەكىنشى سىنىپ وقۋشىسى قايتىس بولدى، دەپ حابارلايدى Qamshy.kz اقپارات اگەنتتىگى استانا ارناسىنا سىلتەمە جاساپ.
قايتىس بولعان بالامەن بايلانىستا بولعان جۇزدەگەن ادام مەديسينالىق تەكسەرۋدەن وتەدى.
دارىگەرلەردىڭ ايتۋىنشا، سەگىز جاسار بالا الدىمەن ىستىعى كوتەرىلىپ كەلگەننەن كەيىن بىرنەشە ساعات رەانيماسيادا بولعان. دارىگەرلەر بۇل “مەنينگوكوك” ينفەكسياسى دەپ بولجاعان. ءبىراق ازىرگە ەشكىم ءولىمنىڭ ناقتى سەبەبىن ايتا المادى.
كوز جۇمعان بالامەن بايلانىستا بولعان بارلىق بالالاردى جەرگىلىكتى اۋرۋحانا تەكسەرىستەن وتكىزۋدە.
ورىنباساردىڭ جاتتىعۋ زالىنداعى باپكەرى بالانىڭ وتە جاقسى ناتيجە كورسەتكەنىن ايتتى. ءتىپتى، بالانى ۇلكەن توپقا بەرۋدى جوسپارلاعان. الايدا سوڭعى جاتتىعۋىن قايتىس بولاردان ەكى كۇن بۇرىن وتكىزىپتى.
العاشقى ساتتەردە ونىڭ تەمپەراتۋراسى شامادان تىس كوتەرىلگەن. دارىگەرلەر وعان جرۆي- گە قارسى دارىلەر سالعان. دەگەنمەن بىرنەشە ساعاتتان كەيىن بالانىڭ ءحالى تىم ناشارلاعان سوڭ، اقتاۋ قالاسىنداعى وبلىستىق بالالار اۋرۋحاناسىنا جەتكىزەدى. قابىلداۋ كەزىندە 2- ءشى نەمەسە 3- ءشى دارەجەلى شوك الىپ، ICE سيندرومى باستالىپ، قان كەتۋ كەزىندە، قان توقتاتۋ وتە قيىن بولعان.
ورىنباسارمەن جاتتىعۋ زالىندا بولعان بارلىق بالالار كلينيكالىق جۇقپالى اۋرۋلار ەمحاناسىنا جاتقىزىلدى.
"كەيبىر اتا- انالار اۋرۋ اۋا ارقىلى تارالۋى مۇمكىن دەپ سانايدى، ءبىراق، سانيتارلى ەپيدەميالىق بەكەت قىزمەتكەرلەرى كەلگەننەن باستاپ بىزگە: اۋانى تولىعىمەن ىلعالداندىرىپ، دىمقىل تازارتۋدى جۇرگىزىپ، بارلىق قۇبىرلاردى اشىپ، كۆارستاردى وتكىزىڭىزدەر، دەدى. سانيتارلى ەپيدەميالىق بەكەت قىزمەتكەرلەرى كارانتين تۋرالى ايتپادى" دەپ ءتۇسىندىردى سپورتزال ديرەكتورى اسەم نىسانبايەۆا.
ەكىنشى سىنىپ وقۋشىسىنىڭ مەنينگوكوك ينفەكسياسىنان قايتىس بولۋى تۋرالى دارىگەرلەر تەك بولجام جاسادى. بالا ءولىمىنىڭ ناقتى سەبەبىن ساراپتاما ناتيجەلەرى كورسەتەدى. ايتا كەتەتىنى بار، ورىنباساردىڭ ەكى ءىنىسى دە وسى سپورت زالدا جاتتىعۋ جاساعان. ءقازىر ولار دا دارىگەرلەردىڭ باقىلاۋىندا.
پىكىر قالدىرۋ