اقتاۋداعى كافەلەردىڭ بىرىندە اتىس بولدى دەپ جازادى Qamshy.kz اقپارات اگەنتتىگى Lada.kz سايتىنا سىلتەمە جاساپ. وقيعا 2020 جىلعى 1 اقپاننان 2 اقپانعا قاراعان ءتۇنى اقتاۋ كاراوكە-بارلارىنىڭ بىرىندە بولعان. 

ەكى مەديسينالىق بەتپەردە كيگەن جىگىت كاراوكە-بارعا كىرىپ وق جاۋدىرعان. ولار بەينەباقىلاۋ كامەراسىنا ءتۇسىپ قالعان. ەكەۋىنىڭ دە قولىندا قارۋ-جاراق بولعان. 

شىعىپ بارا جاتقان كەزدە كاراوكە-بارعا كەلۋشىلەردىڭ ءبىرى وق جاۋدىرعان جىگىتتىڭ قارۋىن تارتىپ الماقشى بولادى. ءبىراق ەكىنشى جىگىت قارۋىن كورسەتىپ، قورقىتقان. كەيىن قارۋلانعان جىگىتتەر مەكەمەنى ارالايدى.

پوليسيا دەپارتامەنتى وسى دەرەكتى راستادى. قازىرگى ۋاقىتتا وق اتقان ەر ادامداردىڭ ىزدەستىرىلىپ جاتقانىن ايتتى. 

"07:30-دا اقتاۋ قالالىق پب بولىمىنە 07:00 شاماسىندا بەلگىسىز ەكى ەر ادام بەتپەردە كيىپ كافەگە قارۋ ۇستاپ كىرگەنىن ايتادى. ولار "Grammy's" كاراوكە-بارىنىڭ ەدەنىنە ەكى رەت مىلتىق اتىپ، وقيعا ورنىنان بوي تاسالاعان. وسى دەرەككە قاتىستى ق ر قىلمىستىق كودەكسىنىڭ 293-بابىنىڭ 3-بولىگى بويىنشا تەرگەۋ شارالارى ءجۇرىپ جاتىر. تەرگەۋ بارىسىندا بەينەباقىلاۋ كامەرالارى تۇسىرگەن ۆيدەولار مەن اتىلعان وعان تاركىلەنگەن. قازىرگى ۋاقىتتا كۇدىكتى تۇلعالاردى انىقتاۋ جانە ۇستاۋ ءۇشىن جەدەل-ىزدەۋ شارالارى ءجۇرىپ جاتىر"، - دەدى وڭىرلىك پوليسيا وكىلدەرى.