تۇتىنۋشىلاردىڭ قۇقىعىن قورعاۋ كوميتەتى "Bek Air" اۋە كومپانياسىنان ءجابىر كورگەن كليەنتتەرءدىڭ مۇددەلەرىن قورعاۋعا كىرىستى.
"2020 جىلى 31 قاڭتاردا ق ر ساۋدا جانە ينتەگراسيا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتى نۇر-سۇلتان قالالىق سوتىنا Bek Air قىزمەتىن تۇتىنۋشىلاردىڭ قۇقىقتارىنىڭ بۇزىلعانى تۋرالى شاعىم ءتۇسىردى. تۇتىنۋشىلاردىڭ قۇقىقتارىن قورعاۋ كوميتەتىنىڭ شاعىمىندا Bek Air وزدەرىنەن ساتىپ الىنعان بيلەتتەردىڭ اقشاسىن قايتارماعانىن، سونداي-اق اقشاسى تولەنگەن قىزمەتتى كورسەتپەگەندەرىن، وسىلايشا تۇتىنۋشىلاردىڭ قۇقىقتارى بۇزىلعانى كورسەتىلگەن" دەلىنگەن ۆەدومستۆا حابارلاماسىندا.
ساۋدا جانە ينتەگراسيا مينيسترلىگىنىڭ تۇتىنۋشىلار قۇقىعىن قورعاۋ كوميتەتىنە 444 مىڭ 434 تەڭگەنىڭ بيلەتتەرىن ساتىپ العان 20 ادام قۇقىقتارىنىڭ بۇزىلعانى تۋرالى ارىزدانعان.
"29 قاڭتاردا Bek Air باسشىسى وپەراتوردىڭ سەرتيفيكاتى قالپىنا كەلتىرىلىپ، ساتۋ جۇيەسى ىسكە قوسىلعاندا اقشانى قايتارامىز دەدى. سول كەزدە ولار كىم بيلەت ساتىپ الدى، كىم ونى اۋىستىردى، كىم قايتا تاپسىردى – ءبارىن كورە الادى. ال وعان دەيىن ولاردا ەشقانداي مالىمەت جوق، سوندىقتان اپاتتان كەيىنگى العاشقى كۇندەردەگىدەي الاياقتىققا جول بەرىلمەس ءۇشىن اقشانى ەشكىمگە بەتىنە قاراپ قايتارىپ بەرمەيدى"، دەپ حابارلادى اۋە باسشىلىعى.
پىكىر قالدىرۋ