گەنەرال-مايور، قورعانىس ءمينيسترىنىڭ كادر جانە اسكەري ءبىلىم بەرۋ جونىندەگى دەپارتامەنت باسشىسى قايرات كوپبايەۆ ەكى اي مەرزىمگە ءۇي قاماققا الىندى، دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ.
قايرات كوپبايەۆ ءۇي قاماۋ تۇرىندەگى بۇلتارتپاۋ شاراسى بويىنشا 2020 جىلدىڭ 31 قاڭتارىنان 28 ناۋرىزعا دەيىن سانكسيالاندى، دەپ مالىمدەمە جاسادى نۇر- سۇلتان قالاسى سوتىنىڭ باسپا ءسوز قىزمەتى.
بۇعان دەيىن قورعانىس مينيسترلىگى كادر جانە اسكەري ءبىلىم دەپارتامەنتىنىڭ باستىعى جۇيەلى تۇردە پارا الدى دەگەن كۇدىككە ىلىنگەنى تۋرالى حابارلانعان.
سىبايلاس جەمقورلىققا قارسى كۇرەس قىزمەتى كۇدىكتىنىڭ كىناسىن مويىنداپ، قورعاۋشىنىڭ قاتىسۋىمەن پروسەسسۋالدىق كەلىسىم جاساۋ تۋرالى ءوتىنىش بەرگەنىن ايتتى.
جوعارى لاۋازىمدى شەنەۋنىك فۋنكسيونالدى جانە قىزمەتتىك مىندەتى بويىنشا كاسىبي دايىندالعان اسكەري قىزمەتشىلەردى ىرىكتەۋ مەن ورنالاستىرۋدى، الدىن الۋ جانە پروفيلاكتيكالىق جۇمىستاردى جۇرگىزۋگە، ولاردىڭ قاتارىنداعى تازالىقتى قامتاماسىز ەتۋگە جانە پەرسونالدىڭ ىس-ارەكەتىندەگى سىبايلاس جەمقورلىق تاۋەكەلدەرىن بولدىرماۋعا مىندەتتى بولعان.
"قازىرگى تاڭدا قايرات كوپبايەۆ قول استىنداعى ادامداردان جۇيەلى تۇردە پارا الدى دەگەن كۇدىككە يە"، دەلىنگەن سىبايلاس جەمقورلىققا قارسى ءىس-قيمىل اگەنتتىگى تاراتقان مالىمدەمەدە.
پىكىر قالدىرۋ