كوروناۆيرۋستىڭ تارالۋى: قازاقستان رەسەي، قىرعىزستانمەن شەكارادا كۇشەيتىلگەن رەجيم ەنگىزبەيدى.

دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا، ءقازىر جاساندى تولقۋلار تۋعىزاتىن ۋاقىت ەمەس، كورشى مەملەكەتتەرمەن شەكاراداعى جاعداي تىنىش جانە باقىلاۋدا. ۆيرۋستىڭ بار- جوعىن تەكسەرۋگە كەلەر بولساق، مينيستر بارلىق مەديسينالىق ۇيىمداردا ونىمەن ءوتۋ مۇمكىن ەمەستىگىن ءتۇسىندىردى، دەپ حابارلايدى Qamshy.kz اقپارات اگەنتتىگى اlmaty.tv-عا سىلتەمە جاساپ.

اۋرۋدىڭ ناقتى سەبەبىن  تەكسەرۋ تەك ارنايى زەرتحانالاردا تەست جۇرگىزۋ ارقىلى ىسكە اسادى. ءبىرتانوۆتىڭ مالىمەتى بويىنشا، ءقازىر قازاقستاندىق اۋرۋحانالاردا كوروناۆيرۋس جۇقتىردى دەگەن كۇدىكپەن 33 ادام تەكسەرىلۋدە. ولار دارىگەرلەردىڭ قاراۋىندا، ال ەلگە كەلگەندەردىڭ سانى ۇنەمى باقىلاۋدا بولادى.

"مەملەكەتتىك شەكارانى كەسىپ وتكەندەردىڭ ءبارى، سونىڭ ىشىندە رەسەي مەن قىرعىزستان دا بىزبەن بىرگە باقىلاۋدا بولادى. ءبىز ءۇشىن ادامدى ءۇي جاعدايىندا باقىلاۋ  الدەقايدا ماڭىزدى. شەكارادا ول اۋىرىپ قالۋى مۇمكىن، دەگەنمەن ونىڭ تەمپەراتۋراسى قالىپتى جاعدايدا" دەدى دەنساۋلىق ساقتاۋ ءمينيسترى ەلجان ءبىرتانوۆ.

 BBC كەلتىرگەن دۇنيەجۇزىلىك دەنساۋلىق ساقتاۋ ۇيىمىنىڭ سوڭعى مالىمەتىنە سۇيەنسەك، الەمدە ۆيرۋستى جۇقتىرعان 18000 ادام تىركەلگەن. ونىڭ ىشىندە 17 مىڭنان استامى قىتايدا جانە كورشىلەس ەلدەردە. ال 426 ادام قايتىس بولدى.