قازىرگى تاڭدا الماتى قالاسىندا قىتايلىق ازاماتتاردان جۇمىس جاساپ جۇرگەن 72 كاسىپورىن بار جانە وندا 188 جۇڭگو ازاماتى جۇمىس ىستەپ جاتىر. ولاردى تولىقتاي تەكسەرىستەن وتكىزىپ، ەشقايسىنان ءقاۋىپتى ۆيرۋستىڭ شىقپاعانىن انىقتادى. بۇل تۋرالى الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا بريفينگ بارىسىندا ايتتى.

"الماتىدا قازىرگى كۇنى كوروناۆيرۋس تاراعان ەلدەن كەلگەن 6 322 ادام بار، ونىڭ 371ء-ى شەتەلدىكتەر. ولاردىڭ 70 پايىزى باقىلاۋعا الىنىپ، تەكسەرىلىپ جاتىر، كەيبىرىنىڭ مەكەنجايى دۇرىس كورسەتىلمەگەن، ولاردى كوشى-قون پوليسياسى ىزدەستىرۋدە. سونداي-اق، قىتايدان كەلگەن ادامداردىڭ كەيبىرى الماتىدان باسقا قالاعا جول ءجۇرىپ كەتىپ جاتادى. سوندىقتان ولاردىڭ مەكەنجايىن انىقتاۋ قيىن. دەگەنمەن ونىڭ كوشى-قون پوليسياسى انىقتايتىن بولادى" - دەدى دەپارتامەنت باسشىسى. 

الماتى مەكتەپتەرىنىڭ 70% فيلترمەن تەكسەرىلدى. سونداي-اق بۇعان دەيىن ەلىمىزگە رەسەيدەن ۆيرۋستى تەكسەرۋگە ارنالعان تەستىلىك قۇرىلعىلار جەتكىزىلگەنىن حابارلاعانبىز. ول ەكى ساعاتتىڭ ارالىعىندا ادامنىڭ ۆيرۋستى جۇقتىرعان، جۇقتىرماعانىن انىقتاپ بەرەدى. باسقا دا ءدارى دارمەكتەر جەتكىلىكتى دەڭگەيدە. تاڭەرتەڭگى ساعات 9.00 كەزىندەگى جاعداي بويىنشا قالادا 335 مىڭ بەتپەردە بار ەكەنى انىقتالدى، - دەدى ول.