2019 جىلى بۇرىن نەسيەگە جۇگىنىپ كورمەگەن 580 مىڭ قازاقستاندىق 176 ملرد تەڭگە سوماعا كرەديت العان. بەرەشەكتىڭ ورتاشا سوماسى – 303 مىڭ تەڭگە. كرەديتتىك تاريحى بار قازاقستاندىقتاردىڭ جالپى سانى 9 ملن-نان اسادى.

بانكتەن قارىز الۋشىلاردىڭ باسىم بولىگىن ياعني 67،82 پايىزىن 25-45 جاس ارالىعىنداعىلار قۇراعان. نەسيە راسىمدەگەندەردىڭ 28،74 پايىزى – 18 بەن 25 جاس ارالىعىنداعىلار. 45-65 جاس ارالىعىنداعىلار كرەديتكە مەيلىنشە جۋىماۋعا تىرىسادى. بانك قىزمەتىن پايدالانعانداردىڭ 3،45 پايىزى عانا وسى توپتىڭ وكىلدەرى.

جاستاردىڭ دەنى العاشقى نەسيەلەرىن زاماناۋي گادجەتتەر ءۇشىن العان. كرەديتكە الىنعان تەحنيكالاردىڭ 73 پايىزى سمارتفوندارعا، 18 پايىزى قۇلاققاپتارعا، 7 پايىزى پلانشەتتەرگە تيەسىلى.

ەرەسەكتەردىڭ 22 پايىزى – ءۇي، 27  پايىزى – اۆتوكولىك، 47 پايىزى – تۇرمىستىق تەحنيكا الۋ ءۇشىن، 4 پايىزى – ساياحاتقا شىعۋ ماقساتىمەن نەسيەگە جۇگىنگەن.

بانك قىزمەتىن قولدانعان قازاقستاندىقتاردىڭ باستى سۇرانىسىن ۇيلەنۋ تويلارى مەن ءتۇرلى مەرەيتويلار باستاپ تۇر. وسى ماقساتتارعا الىنعان نەسيەلەردىڭ ۇلەسى – 76 پايىز. قارجى ۇيىمى كەلتىرگەن دەرەككە ساي، قازاقستانداعى ۇيلەنۋ تويلارىنىڭ 80 پايىزى قارىزعا جاسالادى.

سونداي-اق نەسيە ورتا جانە جوعارى وقۋ ورىندارىندا وقۋ ءۇشىن دە ءجيى الىنادى.