تۇركىستان وبلىسىندا اۋىل اكىمى قىزمەت ورنىندا قۇمار ويىن ۇيىمداستىرعانى ءۇشىن تارتىپتىك جازاعا تارتىلادى، دەپ حابارلايدى ktk تەلەارناسى.
جەرگىلىكتى تۇرعىن شاردارا اۋدانىنا قاراستى قاۋىسبەك تۇرىسبەكوۆ اۋىلدىق ايماعىنىڭ اكىمى الىبەك سەيدالييەۆتىڭ ءوز كابينەتىندە كارتا ويناپ وتىرعان ءساتىن ۆيدەوعا ءتۇسىرىپ العان.
ازىرگە اكىم مەن ونىڭ جانىنداعى ادامدار قانداي ويىن جانە قانداي باسپەن ويناعانى بەلگىسىز.
قۇمار ويىن ويناعان اكىم كىناسىن بىردەن مويىنداپ، وبلىستىق تارتىپتىك كەڭەستەن ءبىر-اق شىقتى. ول مۇنداي كەلەڭسىز جاعدايلار ەندى قايتالانبايدى دەپ اقتالعانىمەن، كەڭەس مۇشەلەرى وعان سەنبەي وتىر.
ەندى ونى اۋىل اكىمى قىزمەتىنە ساي ەمەس دەپ تانىپ، اۋدان باسشىلىعىنا ءتيىستى شارا قولدانۋدى تاپسىردى.
پىكىر قالدىرۋ