سىبايلاس جەمقورلىققا قارسى ماسەلەلەر بويىنشا تۇزەتۋلەردى تانىستىرۋ بارىسىندا ءماجىلىس دەپۋتاتى ۆلاديسلاۆ كوساريەۆ سىبايلاس جەمقورلىققا قارسى قىزمەت باسشىسىنىڭ ءبىرىنشى ورىنباسارى ولجاس بەكتەنوۆكە زاڭداردى قاتايتۋدى ۇسىندى. سونداي-اق دەپۋتات قازاقستانداعى سىبايلاس جەمقورلىققا قارسى كۇرەسۋدىڭ جولدارىن اتاپ ايتتى. بۇل تۋرالى Tengrinews حابارلايدى.
– ءبىز سىبايلاس جەمقورلىققا قارسى زاڭنامالىق قۇجاتتاردى ءبىرىنشى رەت قابىلداپ وتىرعان جوقپىز. مەنىڭ ويىمشا، ەگەر دە كوررۋپسيامەن كۇرەسەتىن ورگاندار كىمنىڭ كىمگە سىيلىق بەرگەنىن جانە كىمگە قوناققا بارعانىن قاداعالاپ وتىراتىن بولسا، ونداي ورگاندار وزدەرىن جوعالتادى. نەلىكتەن بيلىك شەتەلگە ەكسپورتتالعان ۇلكەن كولەمدەگى قاراجات تۋرالى پارلامەنتتىك سۇراقتارعا جاۋاپ بەرمەيدى؟ سوڭعى وتىرىستا پارلامەنتتىك جيىندا سۇراققا ەشكىم جاۋاپ بەرە المادى جانە ەشكىم شىعىپ تالدامادى. بۇل سىبايلاس جەمقورلىقپەن كۇرەس ەمەس، كەرىسىنشە كوزبوياۋشىلىق. مەنىڭ ويىمشا، ءقازىر جەمقورلىقپەن كۇرەسەتىن ۋاقىت كەلدى. سونىمەن قاتار، ءبىز تۇزەتىپ جاتقاندا زاڭنامالاردى قاتاڭ تالاپپەن بەكىتۋ قاجەت"، – دەپ پىكىر ءبىلدىردى كوساريەۆ.
وسى تۇستا ولجاس بەكتەنوۆ كوساريەۆتىڭ پىكىرىمەن كەلىسپەيتىنىن اتاپ ءوتتى.
– سىبايلاس جەمقورلىقپەن، ونىڭ ىشىندە اگەنتتىكپەن كۇرەس جۇرگىزىلمەيدى دەگەن تۇجىرىممەن كەلىسپەيمىن. ەگەر ستاتيستيكاعا جۇگىنەتىن بولساق، وندا بىزدە جىل سايىن 2 مىڭنان استام سىبايلاس جەمقورلىق قىلمىستارى انىقتالادى. ونىڭ ىشىندە ءىرى پارا الۋ مەن ۇرلىقتار. بۇل بۇقارالىق اقپارات قۇرالدارىندا بەلسەندى تۇردە جاريالانۋدا. جىل سايىن 1200-دەن استام ادام سىبايلاس جەمقورلىق ءۇشىن جاۋاپقا تارتىلادى، سوندىقتان جەمقورلىقپەن كۇرەس قاتاڭ جالعاسۋدا جانە وسى باعىتتا الدىن الۋ جۇمىستارى جۇرگىزىلۋدە، – دەدى بەكتەنوۆ.
