بەلگىلى جۋرناليست مارات توقاشبايەۆ facebook-تەگى پاراقشاسىندا قوردايداعى قازاق-دۇنگەن جانجالى تۋرالى پىكىر ءبىلدىرىپ، مۇنداي ەتنوسارالىق قاقتىعىستاردى شەشۋدىڭ جولىن ۇسىندى.
"قوردايداعى قازاق-دۇڭعان جانجالى ەلىمىزدەگى ۇلتارالىق ساياساتتا جىبەرىلگەن قاتەلىكتەردىڭ كەزەكتى ءبىر كورىنىسى. بۇل – باسىنۋشىلىق! بۇل مەنسىنبەۋشىلىك! بىزگە نە ىستەي قويادى دەگەن ەركىنسۋشىلىك! ءقازىر قانىمىز قىزىپ وتىر. ەندى ۇلتارالىق ساياساتتا كۇردەلى وزگەرىستەر بولماسا، بيلىك بۇل باعىتتا بۇرىنعى كوز جۇمۋشىلىعىن جالعاستىرا بەرەتىن بولسا قازاق حالقى بۇل جەرگە كىم يە ەكەندىگىن ءوزى دالەلدەۋگە ءماجبۇر.
قازاق جەرىنە تاعدىردىڭ ءتۇرلى جاعدايىمەن كەلگەن ءتۇرلى ۇلت وكىلدەرى مەن جەرگىلىكتى ۇلت – قازاقتاردىڭ اراسىندا سوڭعى جيىرماشاقتى جىلدا ونداعان قاقتىعىستار ورىن الدى. قازاق-تۇرىك، قازاق-تاجىك، قازاق-ۇيعىر، قازاق-چەشەن، ت.ب. وسىنىڭ باستى سەبەبى – مەملەكەت قۇراۋشى قازاق حالقىنىڭ قۇقىعى ەش جەردە قورعالماۋىندا. كەز كەلگەن وسىنداي جايتتاردا قازاقتاردى جىعىپ بەرۋ ادەتكە اينالعان. سودان بارىپ كەلىمسەكتەر قازاقتاردى باسىنادى. ال قازاقتار ءوز قۇقىعىن ءوزى جۇدىرىقپەن قورعاۋعا ءماجبۇر.
مۇنى توقتاتۋدىڭ جولى قانداي؟
مۇنى توقتاتۋدىڭ جولى – قازاق حالقىنىڭ مەملەكەت قۇراۋشى ۇلت ەكەندىگىن كونستيتۋسيا ارقىلى مويىنداۋ جانە باسقالارعا مويىنداتۋ. قازاقستاندا تۇراتىن دياسپورالار تاعدىرىن قازاق مەملەكەتتىلىگى مەن مەملەكەتتىك تىلگە نەگىزدەلگەن زاڭدىق ءتارتىبى عانا شەشۋگە ءتيىس!
قازاق ەلىنىڭ زاڭى مەن ءتارتىبىن مويىنداماعان ۇلت دياسپورالارىنىڭ وكىلدەرىن ازاماتتىقتان شىعارىپ، قازاقستاننان 24 ساعاتتا قۋۋ قاجەت!" دەلىنگەن جۋرناليست جازباسىندا.
پىكىر قالدىرۋ