بۇگىن تاڭەرتەڭ قازاقستان پرەزيدەنتى قاسىم-جومارت توقايەۆ 7 اقپاندا جامبىل وبلىسى قورداي اۋدانىندا تۇرعىندار اراسىندا بولعان جاپپاي توبەلەسكە كىم كىنالى ەكەنىن ايتتى.
توقايەۆتىڭ سوزىنشە، تۇرعىنداردىڭ جاپپاي توبەلەسۋىنە مەملەكەتتىك ورگانداردىڭ سالعىرتتىعى سەبەپ بولعان.
"مەملەكەتتىك ورگاندار قىزمەتكەرلەرىنىڭ سالعىرتتىعى ارقاسىندا ارانداتۋشىلار قانتوگىس جاسادى. ولار جازالانادى. مەملەكەت زارداپ شەككەندەرگە قولداۋ كورسەتەدى. بەيبىتشىلىك پەن كەلىسىم ءبىزدىڭ باستى بايلىعىمىز، ونى بۇزۋعا ەشكىمنىڭ قۇقىعى جوق!" دەپ جازدى پرەزيدەنت Twitter پاراقشاسىندا.
بۇعان قوسا توقايەۆ وسى وقيعا بايلانىستى كوپتەگەن ازاماتتاردان ءوتىنىش ءتۇسىپ جاتقانىن، ەتنيكالىق دۇنگەن بالاسى جولداعان بەينەجازباعا نازار اۋداراتىنىن ايتتى.
"بۇل كۇندەرى ازاماتتارىمىزدان كوپتەگەن وتىنىشتەر كەلىپ تۇسۋدە. دۇنگەن بالاسىنىڭ بەينەجازباسىنا نازار اۋداردىم. جاۋاپ بەرەمىن: مەنىڭ مىندەتىم - ەلىمىزدە بەيبىتشىلىك پەن كەلىسىمدى قامتاماسىز ەتۋ" دەپ جازدى توقايەۆ.
7 اقپاندا جامبىل وبلىسى قورداي اۋدانىنداعى ءتۇرلى ۇلت وكىلدەرى تۇراتىن بىرنەشە ەلدى مەكەندە تۇرعىندار اراسىندا توبەلەس جانجال بولىپ، تۇرعىن ۇيلەر مەن كولىكتەر ورتەندى. بيلىك 8 ادامنىڭ ولگەنىن، 40-تان استام ادامنىڭ جاراقاتتانعانىن حابارلادى. پوليسيا "ادام ءولتىرۋ" جانە "تارتىپسىزدىك ۇيىمداستىرۋ" بابى بويىنشا قىلمىستىق ىستەر قوزعادى. ءبىراق وسى وقيعا كەزىندە ۇستالعان ازاماتتار بوساتىلدى.
پىكىر قالدىرۋ