بۇل تۋرالى دەنساۋلىق ساقتاۋ ءمينيسترىنىڭ ورىنباسارى قامالجان نادىروۆ ءوزىنىڭ facebook-تەگى پاراقشاسىندا حابارلادى.
ءبىر ەمدەلۋشىنىڭ جاعدايى ءبىرقالىپتى بولعان سوڭ، دارىگەرلەر سانيتارلىق اۆياسيامەن الماتىعا جەتكىزۋدى جوسپارلار وتىر. بۇعان دەيىن الماتىعا 12 ادام جەتكىزىلگەن بولاتىن.
جالپى جانجالدا جاراقات العان 43 ازامات ءقازىر ستاسيونارلىق ەمدەۋدە. ونىڭ 13ء-ى قورداي اۋدانىندا، 25ء-ى الماتىدا، جانە بىرەۋى تارازداعى دارىگەرلەردىڭ باقىلاۋىندا.
ءتورت ادام قىرعىزستانمەن اراداعى شەكارالىق كلينيكادا قارالىپ جاتىر. ولاردىڭ دەنى تاياۋ ارادا اۋرۋحانادان شىعۋعا دايىن.
جالپى بۇل كۇندەرى 170-تەن استام ادامعا مەديسينالىق جاردەم كورسەتىلگەن.
پىكىر قالدىرۋ