ەرلان بەيسەمباي ۇلى قۇسايىن قاراعاندى وبلىستىق ىشكى ساياسات باسقارماسىنىڭ باسشىسى قىزمەتىنە تاعايىندالدى. بۇل تۋرالى ورتالىق قازاقستان گازەتىنىڭ باس رەداكتورى قامبار احمەت فەيسبۋك پاراقشاسىندا حابارلادى.

"ەرلان بەيسەمباي ۇلى اقپارات، يدەولوگيا سالاسىندا ۇزاق جىلدان بەرى قىزمەت ەتىپ كەلە جاتىر. بۇل سالانىڭ بارلىق ساتىسىنان وتكەن تاجىريبەلى مامان. ەرەكەڭدى وبلىس اكىمىنىڭ باسپا ءسوز قىزمەتىندە جۇرگەن كەزىنەن باستاپ ەتەنە تانيمىن. ەلدىڭ ورتاسىنان شىققان، جۇرتقا جاناشىر، ەلشىل ازامات دەپ بىلەمىن. تابىس تىلەيمىن!" دەپ تىلەك ءبىلدىردى قامبار احمەت.

ەرلان قۇسايىن 1976 جىلى قارقارالى اۋدانىندا دۇنيەگە كەلگەن. ەكى جوعارى ءبىلىمى بار.

1999 جىلى قاراعاندى مەملەكەتتىك ۋنيۆەرسيتەتىن بىتىرگەن.

قازاق ءتىلى مەن ادەبيەتى ءپانىنىڭ ءمۇعالىمى ماماندىعىن العان ە. ا. بوكەتوۆ اتىنداعى قارمۋ قازاق ءتىلى مەن ادەبيەتى ءپانىنىڭ ءمۇعالىمى ماماندىعى بويىنشا ءتامامداعان.

2006 جىلى قاراعاندى ەكونوميكالىق ۋنيۆەرسيتەتىن "ەكونوميكا سالاسىنداعى قۇقىقتىق رەتتەۋ" ماماندىعى بويىنشا بىتىرگەن.

ەڭبەك جولىن 1999 جىلى قازاق ءتىلى ءمۇعالىمى بولىپ باستادى.

2008 جىلدان 2014 جىلعا دەيىن قاراعاندى وبلىسى اكىمىنىڭ باسپا ءسوز قىزمەتىندە ءار ءتۇرلى لاۋازىمداردا قىزمەت اتقاردى.

2014 جىلى بۇقار جىراۋ اۋدانى اكىمىنىڭ ورىنباسارى بولدى.

2015 جىلدان باستاپ 2018 جىلعا دەيىن وبلىس اكىمى اپپاراتىنىڭ قازاقستان حالقى اسسامبلەياسى حاتشىلىعىنىڭ باسشىسى بولىپ جۇمىس ىستەدى.

قازىرگى تاعايىندالۋعا دەيىن قاراعاندى وبلىسى اكىمىنىڭ اپپاراتى "قوعامدىق كەلىسىم" كمم ديرەكتورى قىزمەتىن اتقارعان.