قازاقستاندا ساياسي پارتيا قۇرۋ جانە تىركەۋ جەڭىلدەتىلەدى. بۇل تۋرالى ق ر ادىلەت مينيسترلىگى قوعامدىق كەڭەسىنىڭ وتىرىسىندا ايتىلدى.
ق ر ادىلەت مينيسترلىگى زاڭناما دەپارتامەنتىنىڭ ديرەكتورى ولجاس دانابەكوۆتىڭ ايتۋىنشا، مۇنداي وڭ شەشىمدى قابىلدانۋىنا پرەزيدەنتتىڭ تاپسىرماسى سەبەپ بولعان.
– بۇل – مەملەكەت باسشىسىنىڭ تاپسىرماسى. ساياسي پارتيالاردى قۇرۋ ءۇشىن تىركەۋ كەدەرگىسىن 40 مىڭنان 20 مىڭ ادامعا دەيىن تومەندەتۋ ماسەلەسىن «ساياسي پارتيالار تۋرالى» زاڭىنا ءتيىستى وزگەرىستەر ەنگىزۋ ارقىلى جۇزەگە اسىرۋ ۇسىنىلادى. بۇل رەتتە، ساياسي پارتيالاردى قۇرۋ ءۇشىن قازىرگى تىركەۋ كەدەرگىلەرى 10 جىلدان استام ۋاقىت ساقتالىپ وتىر جانە پرەزيدەنت اتاپ وتكەندەي، ول وتكەن كەزەڭنىڭ تالاپتارىنا سايكەس كەلەدى، – دەدى ولجاس دانابەكوۆ
سونىمەن بىرگە، دەپارتامەنت باسشىسى پرەزيدەنت ۇسىنىپ وتىرعان باستاماسىنىڭ ماقساتى تۋرالى دا اتاپ ءوتتى.
– بۇل جاعداي مەملەكەتتىڭ ساياسي جانە اكىمشىلىك قۇرىلىمى بويىنشا، سونداي-اق حالىق سانى بويىنشا ەرەكشەلەنەدى. وسىعان بايلانىستى پرەزيدەنتتىڭ ۇسىنىپ وتىرعان باستاماسىنىڭ ماقساتى – كوپپارتيالىق پروسەستى قامتاماسىز ەتۋ جانە ولاردىڭ مەملەكەتتىك شەشىمدەردى ازىرلەۋ جانە قابىلداۋ پروسەستەرىنە بەلسەنە قاتىسۋىن قامتاماسىز ەتۋ، – دەدى ول.
