قازاقستان پرەزيدەنتى قاسىم-جومارت توقايەۆ جامبىل وبلىسىنىڭ اكىمى اسقار مىرزاحمەتوۆ پەن قازاقستاننىڭ ىشكى ىستەر ءمينيسترى ەرلان تۇرعىمبايەۆقا قوردايداعى تۇرعىندار اراسىندا بولعان جانجالعا بايلانىستى بىرنەشە شەنەۋنىكتى قىزمەتىنەن بوستاۋدى تاپسىردى. بۇل تۋرالى اقوردا سايتى حابارلادى.
اقوردانىڭ جازۋىنشا، پرەزيدەنت مىرزاحمەتوۆكە ءوزىنىڭ الەۋمەتتىك ماسەلەلەر جونىندەگى ورىنباسارى سۇلۋشاش قۇرمانبەكوۆانى جانە قورداي اۋدانىنىڭ اكىمى ب.بايتولەنى، ال تۇرعىمبايەۆقا جامبىل وبلىسى پوليسيا دەپارتامەنتىنىڭ باستىعى ارمان ورازالييەۆ جانە قورداي اۋداندىق پوليسيا ءبولىمىنىڭ باستىعى ا.ايقىمبەكوۆتى قىزمەتىنەن بوستۋدى تاپسىردى.
اقپاننىڭ 7ء-سى كۇنى جامبىل وبلىسى قورداي اۋدانىندا ەتنيكالىق دۇنگەندەر مەن قازاقتار اراسىندا جانجال بولىپ، 10 ادام قازا تاپقان ەدى.
پىكىر قالدىرۋ