قازاقستاندا تۇسىرىلەتىن فيلمدەردىڭ ستاتيستيكالىق انىقتاماسى مەن ساپاسى تۋرالى جاڭا مالىمەتتەر انىقتالدى، دەپ جازعان ranking.kz.

مادەنيەت جانە سپورت مينيسترلىگىنىڭ مالىمەتىنشە، سوڭعى 5 جىل ىشىندە ەلىمىزدىڭ كينويندۋسترياسىنىڭ قورجىنىندا 150 قازاقستاندىق فيلم جانە 8 سەريال بولۋى كەرەك بولعان. دەگەنمەن بەلگىسىز جايتتارمەن تەك 135 فيلم جانە 8 سەريال تۇسىرىلگەن. 12 فيلم جارىققا شىقپاعان، ال قالعان 3 فيلم تۋرالى مۇلدە اقپارات جوق. 

2019 جىلى جوسپار بويىنشا 17 فيلم كورەرمەنگە ۇسىنىلۋى كەرەك ەدى. الايدا  جوسپارلانعان 17 ءفيلمنىڭ تەك 11ء-ى تۇسىرىلگەن. تۇسىرىلمەگەن 6 فيلم بويىنشا تاعى دا ەشبىر اقپارات تابىلمادى. 

ورتاشا ۇزاقتتىقتاعى كوركەم فيلمدەردىڭ قۇرايتىن ۋاقىتى – 100،5 مينۋت. دەرەكتى ءفيلمنىڭ ورتاشا ۋاقىتى – 50،1 مينۋت. انيماسيالىق فيلم – 37،7 مينۋت.

ءتىل تۇرعىسىنان العاندا، قازاق تىلىندەگى 71 فيلم، ورىس تىلىندەگى 58 فيلم تۇسىرىلگەن. 

2019 جىلدىڭ قاڭتار – قىركۇيەك ايلارىندا 41،2 ملرد تەڭگە سوماسىنا فيلمدەر مەن بەينەفيلمدەر، تەليەۆيزيالىق باعدارلامالار، سونداي-اق فونوگراممالار مەن مۋزىكالىق جازبالار ءوندىرىسى بويىنشا قىزمەتتەر كورسەتىلگەن.