بۇل تۋرالى بۇگىن ۇكىمەت وتىرىسىنا كەلگەن ىشكى ىستەر مينيسترلىگى تەرگەۋ دەپارتامەنتىنىڭ ديرەكتورى سانجار ءادىلوۆ ايتتى، دەپ حابارلايدى Qamshy.kz اقپارات اگەنتتىگى.
قورداي اۋدانىندا بولعان جاعدايعا قاتىستى پىكىر بىلدىرگەن ىشكى ىستەر مينيسترلىگى تەرگەۋ دەپارتامەنتىنىڭ ديرەكتورىنان جۋرناليستەر قوردايداعى توبەلەستەن كەيىن ۇستالىپ، قايتا بوساتىلعان 47 ادام تۋرالى سۇراعان بولاتىن.
«راسىندا دا قۇجاتسىز جۇرگەن ادامداردىڭ كىم ەكەنىن انىقتاۋ ءۇشىن ۇستاپ، قىلمىستىق ەسەپكە تىركەلدى. ولاردى جەدەل تەكسەرىپ، اتالعان ىسكە قاتىسى بولماعاننان كەيىن بوساتتىق»، - دەدى ول.
سونىمەن قاتار، سانجار ءادىلوۆ جامبىل وبلىسى پوليسيا دەپارتامەنتى تەرريتوريالدىق بولىمشەلەرى 25-تەن استام قىلمىستىق ءىس قوزعاعانىن اتاپ ءوتتى.
پىكىر قالدىرۋ