قازاقستاننىڭ ەكس-پرەزيدەنتى، قاۋىپسىزدىك كەڭەسىنىڭ ءتوراعاسى نۇرسۇلتان نازاربايەۆ قوردايداعى قاقتىعىس پەن كورونوۆيرۋستىڭ تارالۋىنا بايلانىستى قاۋىپسىزدىك كەڭەسىنىڭ وتىرىسىن وتكىزدى. جيىن بارىسىندا بيولوگيالىق قاۋىپسىزدىكتى قامتاماسىز ەتۋ جانە كوروناۆيرۋستىق ينفەكسيانىڭ تارالۋىنا قارسى تۇرۋ ماسەلەلەرى قارالدى. بۇل تۋرالى ەlbasy.kz  سايتى حابارلادى.

جينالىستىڭ اشىلۋىندا نۇرسۇلتان نازاربايەۆ قورداي اۋدانىندا بولعان وقيعالاردىڭ سالدارىنان قازا بولعانداردىڭ وتباسىلارىنا كوڭىل ايتتى جانە بارلىق زارداپ شەككەندەرگە تەزىرەك ساۋىعىپ كەتۋلەرىن تىلەدى.

– قازىرگى جاعداي مەنى قاتتى الاڭداتادى. ءبىز جانە ءبىزدىڭ حالقىمىز وسى 30 جىل ىشىندە ەداۋىر قيىندىقتاردى باستان وتكەردىك. جاستار بۇل پروبلەمالاردى ەلەستەتە دە المايدى. قازاقستاندا 130 كاسىپورىن ءوز قىزمەتىن توقتاتتى. 2،5 ملن ادام جۇمىسسىز قالدى. ءتىپتى ولاردىڭ ۇيىندە جىلۋ دا بولمادى، ىشەرگە تاماق تا بولمادى. ءبىراق ءبىز بۇدان وتتىك، -–دەدى نازاربايەۆ.

قاۋىپسىزدىك كەڭەسىنىڭ ءتوراعاسى قازاقستان تاۋەلسىزدىك العاننان كەيىن الەۋمەتتىك-ەكونوميكالىق سالادا ۇلكەن قيىندىقتاردى باستان وتكەرگەنىن اتاپ ءوتتى.

– ەگەر ءبىز كوپۇلتتى حالقىمىزدى بىرىكتىرىپ، تۇراقتىلىقتى قامتاماسىز ەتە الماساق، بۇگىندە ەلىمىزگە شەتەلدىك ينۆەستيسيالار كەلمەيدى، ەكونوميكا جۇمىس ىستەمەيدى. ارينە، مەملەكەت باسشىلارىنا ءتيىستى مىندەتتەر جۇكتەلدى. ءبىراق ەڭ الدىمەن بەيبىتشىلىك پەن كەلىسىمدى ساقتاۋىمىز كەرەك. بۇل – ءبىزدىڭ حالقىمىزدىڭ جاۋاپكەرشىلىگى، – دەدى نۇرسۇلتان نازاربايەۆ.

سونداي-اق ەكس-پرەزيدەنت جاعدايدىڭ سەبەپتەرىن مۇقيات زەرتتەپ، كىنالىلەردى زاڭ نورمالارىنا سايكەس جازالاۋدى تاپسىردى.

– بۇل پروبلەما اعا بۋىن وكىلدەرىنە قاتىستى بولۋى كەرەك. ۇلت كوشباسشىسى رەتىندە مەنىڭ ماقساتىم – قازاقستاندى بولاشاق ۇرپاق ماقتان ەتەتىندەي دەڭگەيگە كوتەرۋ. ال اعا بۋىننىڭ مىندەتى – ادامدارعا ءبىزدىڭ ورتاق مىندەتىمىز تاۋەلسىز، دامىعان مەملەكەتتە ءومىر ءسۇرۋ ەكەنىن ءتۇسىندىرۋ، – دەدى قاۋىپسىزدىك كەڭەسىنىڭ ءتوراعاسى.

نازاربايەۆ قازىرگى ۋاقىتتا پرەزيدەنت توقايەۆتىڭ تاپسىرماسىمەن ۇكىمەت جانە وبلىس اكىمدىگى زارداپ شەككەن ەلدى-مەكەندەردى قالپىنا كەلتىرۋ ءۇشىن جۇمىستار جاساۋدا. 

جيىندا جەرگىلىكتى اتقارۋشى جانە قۇقىق قورعاۋ ورگاندارىنىڭ، قازاقستان حالقى اسسامبلەياسى مەن ونىڭ ايماقتىق فيليالدارىنىڭ جۇمىس ساپاسىنا نازار اۋدارىلدى.

– اسسامبلەيا مەن ونىڭ ايماقتىق بولىمشەلەرى بەلسەندى بولىپ، وسىنداي جاعدايلاردى باقىلاۋدا ۇستاۋى كەرەك. بۇل – ءبىزدىڭ ورتاق مىندەتىمىز، – دەدى نۇرسۇلتان نازاربايەۆ.

كەزدەسۋدە جامبىل وبلىسىنىڭ اكىمى بەردىبەك ساپاربايەۆ، ىشكى ىستەر ءمينيسترى ەرلان تۇرعىمبايەۆقا ەگجەي-تەگجەيلى ەسەپ بەردى.

ءبىرىنشى ماسەلەنى تالقىلاۋ اياسىندا ورتالىق مەملەكەتتىك جانە جەرگىلىكتى اتقارۋشى ورگاندارعا ەل وڭىرلەرىندەگى، ونىڭ ىشىندە جۇمىسپەن قامتۋ جانە ينفراقۇرىلىمدى دامىتۋ، الەۋمەتتىك نىسانداردى قايتا قۇرۋ جانە الەۋمەتتىك-ەكونوميكالىق سالاداعى پروبلەمالاردى شەشۋگە باعىتتالعان باعدارلامالاردى ودان ءارى ىسكە اسىرۋ تاپسىرىلدى.