بۇل تۋرالى Qamshy.kz اقپارات اگەنتتىگى كتك تەلەارناسى دەرەگىنە سۇيەنە وتىرىپ حابارلايدى.

بەلگىلى بولعانداي، ءورت كەشكە شىققان. قىزىل جالىندى بايقاعان اۋىلداستارىنىڭ ءبىرى اكىمگە حابارلاعان. وقىس وقيعادان حاباردار بولعان قۇتقارۋ قىزمەتى شۇعىل جەتكەنىمەن كەش بولعان.

كەسىرىنەن ءبىر ءۇيلى جان – 47-41 جاستاعى ەرلى-زايىپتى مەن ونىڭ ءۇش جاسار بالاسى ءورت قۇرساۋىنان شىعا الماي كۇيىپ كەتكەن.

«اۋىل اكىمى قۇتقارۋ قىزمەتىنە قوڭىراۋ شالعان. ءورت سوندىرۋشىلەر كەلگەندە ءۇي تولىق وتقا ورانىپ، شاتىرى ورتاسىنا قۇلاپ ءتۇستى. اۋماعى – 150 شارشى مەتر. ءورت تولىق سوندىرىلگەننەن كەيىن ءۇيىندى استىنان ءۇي يەلەرىنىڭ جانە كىشكەنتاي بالانىڭ دەنەسى تابىلدى»، - دەيدى اقمولا وبلىستىق تجد باسقارما باستىعى دەنيس شەلكوپلياسوۆ.

وسى رەتتە، ءورت سوندىرۋشىلەر تۇتانعان وتتىڭ جىلدام ورشۋىنە ءۇيدىڭ ساباننان سوعىلعانى سەبەپ بولعانىن ايتادى. 

ال ءتىلسىز جاۋدىڭ نەدەن تۇتانعانى ازىرگە بەلگىسىز بولىپ وتىر.