الەۋمەتتىك جەلىدە قوردايدا بولعان جانجالعا بايلانىستى ەتنيكالىق ارميان ازاماتتىڭ قازاق حالقىنا ۇندەۋ جولداعان ۆيدەوسى تارالۋدا. ۇندەۋدە ول بۇزاقىلىقتى ايىپتاپ، جازىقسىز ادامداردىڭ جاپا شەگۋىنە سوقتىرعان ارەكەتتى سىناعان.
– سەندەردىڭ بۇل ارەكەتتەرىڭ جابايىلىق. شىڭعىس حاننىڭ زامانى ءوتتى. دۇنگەندەرمەن ءبىر دىندە بولىپ، نەلىكتەن وسىنداي ارەكەتتەر جاسايسىڭدار؟ قانشاما جازىقسىز ادامداردىڭ ۇيلەرى ورتەندى، باسقا ۇلتقا دەگەن مۇنداي جەككورۋشىلىك جاقسىلىققا الىپ كەلمەيدى. مەن قازاقتاردىڭ بۇل ارەكەتىن قورقاقتىق، شىدامسىزدىق دەپ تۇسىنەمىن، – دەدى ارميان ازاماتى.
ونىڭ ايتۋىنشا، 2019 جىلى "دريەۆنيي ريم" كافەسىندە قازاقتى ارميان ۇلتىنىڭ جىگىتى ولتىرەدى. سول ۋاقىتتا قازاقستاننىڭ تۇكپىر-تۇكپىرىنەن ارمياندارعا قارسى "انتيارمياندىق" قوزعالىس باستالدى. ءبىراق سوڭىندا قازاق جىگىتىن ءولتىردى دەپ ەتنيكالىق ازەربايجان ازامات سوتتالدى. دەمەك، قازاقتار ارميانداردى جازىقسىزدان جازىقسىز كىنالاپ، ءتۇرلى قىسىم كورسەتتى، – دەدى ول.
سونداي-اق ول "ورىس ۇكىمەتى نەلىكتەن شارا قولدانباي وتىر" دەپ، دۇنگەندەرگە جاسالعان ارەكەت ورىستارعا دا جاساۋى مۇمكىن ەكەنىن ايتتى. ول باسقا ۇلتتارعا كورسەتكەن باسسىزدىقتىڭ، قازاقتارعا زيانىن تيگىزۋى مۇمكىن ەكەنىن دە اتاپ ءوتتى.
ءسوز سوڭىندا ازامات بارلىق قازا بولعان جانداردىڭ وتباسىنا كوڭىل ايتتى.
پىكىر قالدىرۋ