بۇل تۋرالى Qamshy.kz اقپارات اگەنتتىگى ريا نوۆوستي دەرەگىن نەگىز ەتە وتىرىپ حابارلايدى.
«حۋبەي پروۆينسياسىندا كوروناۆيرۋس جۇقتىرعاندار سانى 48،2 مىڭنان استى. 3 441 ادام اۋرۋحانادان جازىلىپ شىقسا، 1 310 ادام كوز جۇمدى»، - دەپ حابارلايدى ايماقتىق دەنساۋلىق ساقتاۋ كوميتەتى.
دارىگەرلەر ۆيرۋس جۇقتىرعاندار سانىنىڭ كۇرت ءوسۋىن دياگنوستيكانىڭ جاڭا ءادىسىن قولدانۋمەن بايلانىستىرىپ وتىر. ياعني، وتكىر دەرتتى انىقتاۋدا جاڭا تەحنولوگيانىڭ سەپتىگى زور دەيدى ماماندار.
ناتيجەسىندە، قىتايدىڭ حۋبەي پروۆينسياسىندا 15000-عا جۋىق ادامنىڭ جاڭادان اۋرۋ جۇقتىرعانى انىقتالعان.
ال وسى ۋاقىتقا دەيىن كوروناۆيرۋس جۇقتىردى دەلىنگەن 33 مىڭنان استام ادام ءالى اۋرۋحانادا جاتىر. ونىڭ 5647ء-سى اۋىر حالدە.
پىكىر قالدىرۋ