قوردايداعى ۇلتارالىق جانجالدان كەيىن اقپاننىڭ 12ء-سى كۇنى كەشكىلىك جامبىل وبلىسىنىڭ پروكۋرورى اۋىستى. وبلىس پروكۋرورى نۇرعالىم ءابدىروۆ تاعايىندالدى. بۇعان دەيىن بۇل مىندەتتى جارقىن قۇسايىنوۆ اتقارىپ كەلدى. بۇل تۋرالى باس پروكۋراتۋر سايتى حابارلادى.
28 جىلدان استام تاجىريبەسى بار نۇرعالىم ءابدىروۆ بۇعان دەيىن باس پروكۋراتۋراداعى ءۇش دەپارتامەنتكە جەتەكشىلىك ەتكەن. ول الماتى، نۇر-سۇلتان قالاسى پروكۋرورىنىڭ ءبىرىنشى ورىنباسارى قىزمەتىندە بولعان. سونداي-اق اقتوبە، تۇركىستان وبلىسى پروكۋراتۋراسىن باسقارعان.
7 اقپان كەشكە جامبىل وبلىسى قورداي اۋدانىندا قازاقتار مەن دۇنگەندەر جانجالىنا بايلانىستى 25 قىلمىستىق ءىس قوزعالعانىن مالىمدەدى. پرەزيدەنت قاسىم-جومارت توقايەۆ العاشىندا بۇل جانجالدى "بۇزاقىلىق سيپاتتاعى جاپپاي توبەلەس" دەپ سيپاتتاپ، كەيىن "ۇلتارالىق جانجال تۋدىرعاندار" دەپ "ارانداتۋشىلاردى" دەپ ايىپتادى.
پىكىر قالدىرۋ