قازاقستاندا كوروناۆيرۋسقا قارسى ۆاكسينا ازىرلەۋ قانشالىقتى مۇمكىن، جانە وعان ۇكىمەتتىڭ قاۋقارى جەتەمە دەگەن سۇراققا ەلوردادا وتكەن باسپا ءسوز ءماسليحاتىندا دەنساۋلىق ساقتاۋ ءمينيسترى ەلجان ءبىرتانوۆ جاۋاپ بەردى. 

– قازاقستان ۇكىمەتى ءۇشىن نەگىزگى ماقسات – ينفەكسيانىڭ كىرمەۋى جانە تارالماۋى بولىپ وتىر. سوندىقتان، نەگىزگى قاراجات حالىق پەن مەديسينالىق قىزمەتكەرلەردى، شەكاراشىلاردى قورعاۋعا باعىتتالعان. ودان بولەك، كوروناۆيرۋس كۇدىگى بار پاسيەنتتەردىڭ بارلىعىن جەتكىلىكتى تۇردە تەكسەرىپ، دارىلىك زاتتار قورىن جاساۋ ءۇشىن دياگنوستيكالىق تەحنولوگيالارعا ءمان بەرىلگەن، – دەدى ءبىرتانوۆ.

ءبىلىم جانە عىلىم مينيسترلىگى مەن مينيسترگە باعىنىشتى عىلىمي ورتالىقتار كوروناۆيرۋسقا قارسى ۆاكسينانى ازىرلەۋگە دايىن ەكەندەرىن حابارلاعان.

ونىڭ ايتۋىنشا، ەلدە ۆاكسينا جاساۋ بويىنشا جاقسى تاجىريبە بار. الايدا، مۇنىڭ قيىن تەحنولوگيالىق پروسەسس ەكەنىن  دە ءتۇسىنۋ قاجەت جانە بارلىق حالىقارالىق عىلىمي ورتالىقتارمەن ۇيلەستىرۋ جۇمىستارىن جۇرگىزۋ كەرەك. ءقازىر ۆاكسينا جاساۋ بويىنشا وزگە ەلدەردىڭ عالىمدارىمەن بىرلەسىپ جۇمىس ىستەۋ مۇمكىندىگىن قاراستىرىپ جاتىرمىز، – دەدى ول.

سونداي-اق ول ەگەر دە ۆاكينانى شىقسا، حالىققا قولجەتىمدى باعادا بولۋى كەرەكتىگىن ءمالىم ەتتى.