الماتى قالاسى ەكونوميكالىق تەرگەۋلەر دەپارتامەنتىنىڭ باسشىلىعىنا ءالي التىنبايەۆ تاعايىندالدى. بۇل تۋرالى دەپارتامەنتتىڭ باسپا ءسوز قىزمەتى حابارلادى.
– پرەمەر-مينيستردىڭ ءبىرىنشى ورىنباسارى ءاليحان سمايىلوۆ ەكونوميكالىق تەرگەۋلەر دەپارتامەنتىنىڭ باسشىسى قىزمەتىنە التىنبايەۆ ءالي ساپارعاليۇلىن تاعايىندادى. ال، قارجى مونيتورينگى كوميتەتى ءتوراعاسىنىڭ بۇيرىعى بويىنشا الماتى قالاسى قبد باسشىسىنىڭ ورىنباسارى بولىپ باحتيار جۋزەنوۆ تاعايىندالدى، – دەلىنگەن حابارلامادا.
ءالي التىنبايەۆ ەڭبەك جولىن 2001 جىلى سالىق قىزمەتىنەن باستادى. سونىمەن قاتار ول ينسپەكتور، ءبولىم باستىعى، مەنەدجمەنت قىزمەتتەرىن اتقارعان. 2019 جىلدىڭ ساۋىرىنەن بۇگىنگى كۇنگە دەيىن الماتى قالاسى بويىنشا مەملەكەتتىك كىرىستەر دەپارتامەنتى باستىعىنىڭ ورىنباسارى بولىپ جۇمىس ىستەدى.
