تۇركىستان بۇرىن سوڭدى بۇلاي دامىماعان. ءتىپتى ءامىر تەمىردىڭ ياسساۋي كەسەنەسىن سوققان زامانىندا دا، ابىلاي حاننىڭ تۇركىستاندى حاندىق استاناسى ەتكەن كەزدە دە ءدال قازىرگىدەي بولماعان. بۇل پىكىردى تۇركىستان وبلىسىنىڭ اكىمى ءومىرزاق شوكەيەۆتىڭ ەل الدىنداعى ەسەبىن بەرىپ جاتقان ساتتە اقساقالدار القاسىنىڭ ءتوراعاسى جارىلقاسىن ازىرەتبەرگەن ۇلى بىلدىرگەن. بۇل تۋرالى RGMEDIA.KZ حابارلادى.
اقساقالدار القاسىنىڭ ءتوراعاسىنىڭ ايتۋىنشا، تۇركىستان – نۇرسۇلتان ءابىش ۇلى نازاربايەۆتىڭ ەسىمىمەن تىعىز بايلانىستى. ولار ءتىپتى ەگىز ۇعىم ىسپەتتەس. بىر-بىرىنەن اجىراتىپ الۋ مۇمكىن ەمەس ءتارىزدى.
– تۇركىستان ەلباسىمىزدىڭ ارقاسىندا دامىپ، ءبىرشاما جەتىستىكتەرگە جەتتى. حان ابىلاي مەن ءامىر تەمىردىڭ كەزىندە دە قازاق حاندىعىنىڭ استاناسى بولعان "تۇركىستان" ءدال قازىرگىدەي دامىپ، وركەندەگەن ەمەس. ۋاقىت وتكەن سايىن، زامانا اعىمىنا ىلەسىپ، ءوسىپ كەلە جاتىر. ەندىگى 1000 جىلدان كەيىن دە 3020 جىلى ياسساۋي كەسەنەسىن ءامىر تەمىر تۇرعىزدى دەپ ۇرپاق ەسىنە السا، تۇركىستاندى وبلىس ەتىپ، جاڭعىرتقان نۇرسۇلتان دەپ ايتىپ جۇرەتىن بولادى. وسى ىستەردىڭ باسى-قاسىندا جۇرگەن ءومىرزاق ەستايۇلىنا دا العىسىمدى بىلدىرەمىن، – دەگەن اقساقال وبلىستىڭ دامۋى تۋرالى.
پىكىر قالدىرۋ