قاراعاندى وبلىسىندا قىلمىستىق ىستەر جونىندەگى مامانداندىرىلعان اۋدانارالىق سوتتا "وحوتزووپروم" ينسپەكتورى ەرلان نۇرعالييەۆتىڭ ولىمىنە قاتىستى سوت وتىرىسى ءوتتى، دەپ حابارلايدى Qamshy.kz اقپارات اگەنتتىگى Tengrinews.kz سايتىنىڭ دەرەگىن نەگىزگە الىپ. 

پروكۋرور قۋانىش جەكسەنبايەۆ ءۇش كۇدىكتىنى ءومىر بويىنا باس بوستاندىعىنان ايىرۋدى سۇرادى. پروكۋروردىڭ ايتۋىنشا، بەرىك احمەتوۆ، قايرات اقشانوۆ جانە نۇرلان شۇكىلدىكوۆ جازاسىن قىلمىستىق اتقارۋ جۇيەسى مەكەمەسىنىڭ توتەنشە جاعدايداعى قاۋىپسىزدىك مەكەمەسىندە وتەۋى كەرەك.

سونداي-اق پروكۋرور سوتتالۋشىلارعا 5 جىل ۋاقىت اڭشىلىقپەن اينالىسۋعا تىيىم سالۋدى ، ءارقايسىنان قورعا وتەماقى رەتىندە 30 اەك ءوندىرۋدى سۇرادى. قىلمىسكەرلەردىڭ سىبايلاستارى – بەردەن بازاروۆ، باتىربەك قايىربەكوۆ، جاراسحان مىرزابايەۆ پەن ايدوس اكىموۆتى 6 جىلعا دەيىن باس بوستاندىعىنان ايىرىپ، جازاسىن قىلمىستىق اتقارۋ جۇيەسىنىڭ قاۋىپسىزدىگى ورتاشا دەڭگەيدەگى مەكەمەسىندە وتەۋىن سۇرادى. ودان بولەك، 5 جىل ۋاقىت اڭشىلىقپەن اينالىسۋعا تىيىم سالىپ، 20 اەك تولەۋدى تالاپ ەتتى.

ەسكە سالايىق، بىلتىر 15 قاڭتاردا ەلوردالىق № 1 اۋرۋحاناسىندا "وحوتزووپروم" ءوب" رەسپۋبليكالىق مەملەكەتتiك قازىنالىق كاسىپورنىنىڭ ينسپەكتورى قايتىس بولعان. براكونەرلەر شابۋىلىنان زارداپ شەككەن ينسپەكتوردىڭ ءبىرى پەتر نيسىك وقيعا جايلى ايتىپ بەردى. ق ر ىشكى ىستەر مينيسترلىگى "وحوتزووپروم"ءوب" ينسپەكتورىن ءولتىردى دەگەن مەملەكەتارالىق ىزدەۋ جاريالانعان كۇدىكتىلەردىڭ سۋرەتىن جاريالادى. وسى دەرەككە قاتىستى قاراعاندى وبلىستىق پوليسيا دەپارتامەنتى ق ر قىلمىستىق كودەكسىنىڭ 99-بابى 2-بولىگى ("كىسى ءولتىرۋ، ادامدار توبى، الدىن الا ءسوز بايلاسۋ ارقىلى ادامدار توبى جاساعان") بويىنشا تەرگەۋ شارالارىن جۇرگىزىپ جاتىر.