الماتى قالالىق قوعامدىق كەڭەسىنىڭ ءتوراعاسى راحمان الشانوۆ «قازاقستان رەسپۋبليكاسىندا بەيبiت جينالىستار، ميتينگiلەر، شەرۋلەر، پيكەتتەر جانە دەمونستراسيالار ۇيىمداستىرۋ مەن وتكiزۋ ءتارتiبi تۋرالى» زاڭ جوباسىنا قاتىستى پىكىرىمەن ءبولىستى.

«ءبارىمىز بۇل ماسەلەنىڭ وزەكتىلىگىن بىلەمىز. ءبىزدىڭ ەلىمىزدە كوپ نارسە جاسالدى، دەگەنمەن، ساياسي مادەنيەتكە قاتىستى ماسەلەلەر بار. جامبىل وبلىسى قورداي اۋدانىندا بولعان قايعىلى وقيعالار، وكىنىشكە قاراي، مادەنيەتتىڭ جانە ساياسي ديالوگتىڭ ازدىعى جاعدايدىڭ كەيدە مۇلدە باسقا باعىتقا اۋىساتىنىن كورسەتەدى. بارلىق ازاماتتاردىڭ مۇددەلەرىنە جاۋاپ بەرەتىن سەنىمدى زاڭ شىعارۋ كەرەك، ارينە، بارلىعىنىڭ كوڭىلىنەن شىعۋ قيىن، ءبىراق ىمىراعا كەلىپ، ءبىرىڭعاي كوزقاراس قالىپتاستىرۋعا مۇمكىندىك بەرەدى»، - دەدى راحمان الشانوۆ الماتىدا قوعامدىق كەڭەس وتىرىسىندا. ايتا كەتەيىك، ق وعامدىق كەڭەس وتىرىسىنا ق ر اقپارات جانە قوعامدىق دامۋ ءمينيسترى داۋرەن ابايەۆ قاتىسۋدا. وندا بەيبىت جيىندار جونىندەگى جاڭا زاڭ جوباسى تۋرالى اڭگىمە قوزعالعان بولاتىن.

«ءبىزدىڭ مىندەتىمىز - ورتاق كوزقاراستاردى تابۋ. پوليارلى پىكىرلەر، ءتۇرلى ۇستانىمدار كوپ، ولاردىڭ ءبارىن زاڭمەن بەلگىلەۋ مۇمكىن ەمەس. مۇمكىن ۋاقىت وتە كەلە، ساياسي تاجىريبە جيناقتالعان كەزدە، قوعام وزگەرىپ، قازىرگى دامىعان ەلدەردىڭ ستاندارتتارىنا جاقىندايتىن شىعارمىز. ولاردىڭ دەموكراتيالىق مەكتەپتەرىنىڭ 200-300 جىلدىق تاريحى بار. وندا دۇرىس جانە بۇرىس، توسقاۋىل دەگەن جوق. بارلىعىمىز بىرىگە وتىرىپ، وسىنداي وزىمىزگە قاجەتتى تۇجىرىمدامانى جاساۋعا مۇددەلىمىز»، - دەدى ول.