قازاقستان دۇنگەندەرى قاۋىمداستىعىنىڭ باسشىسى قوردايدا بولعان وقيعالار بويىنشا مالىمدەمە جاسادى، دەپ حابارلايدى Qamshy.kz اقپارات اگەنتتىگى حۋسەي داۋروۆتىڭ Facebook پاراقشاسىنداعى جازباسىن دەرەك ەتە وتىرىپ.
ول ءوز مالىمدەمەسىندە اۋەلى "كىناسى جوق بەيبىت ادامداردى نە ءۇشىن ءولتىردى؟"، "قۇقىقتىق مەملەكەت بولىپ سانالاتىن قازىرگى قازاقستاندا ونداي مۇمكىن بە؟"، "شىنىمەن دە، بۇنى ۇلى اباي، شوقان ءۋاليحانوۆ، قوجا احمەت ياسساۋي، ابىلاي حان، قاسىم حان، تولە بي مەن قازىبەك ءبيدىڭ ۇرپاقتارى جاسادى ما؟" دەگەن سىندى ءبىر قىدىرۋ سۇراقتارعا جاۋاپ ىزدەي كەلىپ:
"بۇل حالىق كەزىندە تاياۋ شىعىس پەن كاۆكازدان دەپورتاسيالانعان مىڭداعان ەتنوستى باۋىرىنا باسقان. جوق!!! مۇنى ىستەگەن قازاقتار ەمەس! مۇنى كسەنوفوبيا مەن ۇلتشىلدىق ۇراندارىنا سالىنعان قىلمىسكەرلەر مەن قاراقشىلار، وڭاي ولجاعا كوز الارتقان توناۋشىلار، بىزدەگى ۇلتارالىق كەلىسىم مەن تۇراقتىلىقتىڭ قارسىلاستارى جاسادى. ولارعا ءتۇرلى-تۇستى توڭكەرىستەر تەحنولوگياسىمەن شەتەلدىڭ ەميسسارلارى باسشىلىق ەتتى. ال قازاقتار ءبىزدى قۇتقاردى!" دەپ جازدى داۋروۆ.
"قۇتقاردى" دەمەكشى، ول دۇڭگەندەردى قازاقتار امان الىپ قالدى دەگەن كوزقاراسىن دا ءوز مىسالدارىمەن دالەلدەپ كورگەن.
"قۋانىش دەگەن فەرمەر ءوز ۇيىندە دۇنگەندەردىڭ بىرنەشە وتباسىن جاسىردى. اينۇر، ازامات پەن سونيا دەگەن دارىگەرلەر دە تۋرا سولاي ىستەپ، بالالارى بار بىرنەشە وتباسىنى قۇتقاردى. ەگدە جاستاعى ءبىر ايەل ەكى جىگىتتى امان الىپ قالدى دا، ءوز ۇيىندە شاي بەردى. ونداي فاكتىلەر كوپ" دەيدى داۋروۆ.
پىكىر قالدىرۋ