نۇرس-سۇلتان قالاسى بايقوڭىر اۋدانىنىڭ بۇرىنعى اكىمى اسقار ەسىلوۆكە جانە وعان پارا بەرگەن كاسىپكەرگە قاتىستى سوت ۇكىمى شىقتى. بۇل تۋرالى نۇر-سۇلتان قالالىق سوتىنىڭ باسپا ءسوز قىزمەتى حابارلادى.

پارا بەرگەن قىلمىسكەر مەن ەكس-اكىم جاساعان قىلمىستارى ءۇشىن وكىنەتىنىن ايتىپ، كىناسىن مويىنداعان. سوت وتىرىسى بارىسىندا پروكۋرور ايىپتىلار ا.س.ەسىلوۆكە - 15 450 000 تەڭگە جانە س.س.نۇرتازينگە – 7 725 000 تەڭگە كولەمىندە ايىپپۇل تۇرىندەگى جازا تاعايىنداۋدى سۇرادى.

– 2020 جىلعى 17 اقپانداعى ەسىل اۋدانىنىڭ №2 اۋداندىق سوتىنىڭ ۇكىمىمەن نۇر-سۇلتان قالاسى «بايقوڭىر» اۋدانىنىڭ بۇرىنعى اكىمى ا.س.ەسىلوۆ 515 000 تەڭگە تۇراتىن "iPhone"  ۇيالى تەلەفوندى پارا رەتىندە العانى جانە فۋتبول الاڭدارىنىڭ قۇرىلىسى بويىنشا قوسالقى مەردىگەرلىك جۇمىستاردى الۋعا جاردەم بەرگەنى ءۇشىن (قك-تىڭ 366 بابىنىڭ 2-بولىگى)، ال كاسىپكەر س.س.نۇرتازين پارا بەرگەندىگى ءۇشىن (قك-تىڭ 367 بابىنىڭ 2-بولىگى) كانىلى دەپ تانىلدى، – دەلىنگەن حابارلامادا.

ەگەر دە قىلمىسكەرلەر ايىپپۇلدى تولەۋدەن باس تارتقان جاعدايدا، ولارعا باس بوستاندىعىنان ايىرۋ جازاسى بەرىلەدى. سونداي-اق ەكەۋى دە ءومىر بويى مەملەكەتتىك قىزمەتتە لاۋازىم اتقارۋ قۇقىعىنان ايىرىلدى.