17 اقپان كۇنى تۇركىستان وبلىستىق سوتى اقپارات جانە قوعامدىق دامۋ ءمينيسترى داۋرەن ابايەۆتىڭ قازىعۇرت تۇرعىنى ءزۇلفيا تورەبەكوۆانىڭ ۇستىنەن تۇسىرگەن اپپەلياسيالىق شاعىمىن قاناعاتتاندىرمادى، دەپ حابارلادى وبلىستىق سوتتىڭ باسپا ءسوز قىزمەتى.
2019 جىلدىڭ جاز ايىندا مينيستر داۋرەن ابايەۆ ءزۇلفيا تورەبەكوۆانىڭ ۇستىنەن "جالا جاپتى" دەگەن ايىپپەن سوتقا شاعىم تۇسىرگەن. الايدا ايىپتالۋشى ءوز تاراپىنا جاققان كۇيەنى راستاماعان.
بىلتىرعى جىلدىڭ تامىز ايىندا وتكەن قازىعۇرت اۋداندىق سوتىندا تورەبەكوۆا "جالا جابۋ" بابى بويىنشا اقتالىپ شىققان. بۇعان كەلىسپەگەن ابايەۆتىڭ وكىلدەرى قايتادان اپپەلياسيالىق شاعىم تۇسىرگەن. وبلىستىق سوت شەشىمدى اۋداندىق سوتتىڭ ەنشىسىنە قالدىرىپ، ابايەۆتىڭ شاعىمىن قاناعاتتاندىرمادى. بۇل تۋرالى وبلىستىق سوتتىڭ باسپا ءسوز قىزمەتى مالىمدەمە جاسادى.
ايىپتالۋشىنىڭ مالىمەتىنشە، بىلتىرعى جىلدىڭ قاڭتار ايىندا ءوزىنىڭ facebook پاراقشاسىنا "اقپارات جانە قوعامدىق دامۋ ءمينيسترى داۋرەن ابايەۆ كوررۋپسيونەر!" دەپ جازعان. بۇنى كورگەن ابايەۆ: ار-نامىسىما داق ءتۇسىردى، بەدەلىمە نۇقسان كەلتىردى، دەپ تورەبەكوۆانى سوتقا بەرگەن.
سوت پروسەسستەرى ءمينيستردىڭ قاتىسۋىنسىز وتكەن. سونىمەن قاتار ابايەۆتىڭ ادۆوكاتى ءمينيستردىڭ رۇقساتىنسىز وبلىستىق سوتقا ەشقانداي پىكىر بەرە المايتىنىن جەتكىزدى.
پىكىر قالدىرۋ