باتىس قازاقستان وبلىسى توتەنشە جاعداي دەپارتامەنتىنىڭ باسپا ءسوز قىزمەتىنىڭ حابارلاۋىنشا، 17 اقپان كۇنى 05:41-دە ءورت ءسوندىرۋ بولىمىنە تاسقالا اۋدانى ورتالىق ەمدەۋ ءبولىمىنىڭ №8 پالاتاسى ورتەنىپ جاتقانى تۋرالى حابارلاما تۇسكەن.
ءورت 15 شارشى مەتر اۋماقتى قامتىعان. 42 جاستاعى ناۋقاس ءوز توسەنىشىنە ءورت قويىپ، 2-قاباتتىڭ تەرەزەسىنەن سەكىرىپ، ءىس-تۇسسىز جوعالىپ كەتكەن. ونى ىزدەۋ جۇمىستارى جالعاسۋدا. ءورت ساعات 06:06-دا ءسوندىرىلدى. وقيعا ورنىندا 3 تەحنيكا مەن 11 ءورت ءسوندىرۋشى جۇمىس ىستەدى، دەپ مالىمدەدى بقو توتەنشە جاعداي دەپارتامەنتى.
اۋرۋحانادان 20 ادام ەۆاكۋاسيالانىپ، 2 ادام قۇتقارىلدى. ونىڭ ىشىندە 4 بالا، 8 مەديسينالىق قىزمەتكەر بار.
پىكىر قالدىرۋ