تىركەلمەگەن قازاقستان دەموكراتيالىق پارتياسىنىڭ الماتىدا 22 اقپاندا وتەدى دەپ جوسپارلانعان قۇرىلتايشىلار جينالىسىنا بارۋعا جينالعان اتىراۋلىق ساياسي بەلسەندىلەردى كەشەلى بەرى تۇتقىنداۋ جانە ۇستاۋ باستالدى، دەپ جازادى Qamshy.kz اقپارات اگەنتتىگى azh.kz سايتىنىڭ دەرەگىن نەگىزگە الىپ. 

17 اقپاندا اتىراۋ اكىمشىلىك سوتىنىڭ قاۋلىسىمەن 49 جاستاعى قاسىم قوجانتايەۆ «سوت شەشىمىن ورىنداماۋ» ايىبىمەن 5 تاۋلىككە قامالدى. ول الماتىعا 18 اقپانعا بيلەت الىپ قويعان. پوليسيا بولجامى بويىنشا، قوجانتايەۆ تەرمينال ارقىلى 75 مىڭ تەڭگە كولەمىندە نەسيە العان جانە ونى ادەيى تولەمەگەن. الايدا قوجانتايەۆتىڭ ءوزى تەك نەسيە عانا ەمەس، سوت شەشىمى تۋرالى بىلمەيتىن بولىپ شىقتى.

سول ءتۇنى پوليسەيلەر بەلگىلى ازاماتتىق بەلسەندى تالعات اياندى دا 2 ساعات بويى باقىلاۋعا العان، ءبىراق ۇستاماعان. بۇگىن، 18 اقپاندا، ونى پوليسيا دەپارتامەنتىنىڭ جەدەل وكىلدەرى پىكىرلەستەرىن الماتىعا جۇرەتىن پويىزعا شىعارىپ سالىپ تۇرعاندا ۇستاپ الدى. پوليسەيلەر ونى پوليسيا دەپارتامەنتى عيماراتىنا الىپ كەلدى، ءبىراق ول ءوزىنىڭ ادۆوكاتىنسىز ىشكە كىرۋدەن باس تارتتى.  

– بۇگىن مەن شىعارىپ سالعان بىرنەشە ادامدى «اتىراۋ – الماتى» پويىزىنا جىبەرمەگەن. مەن ەشقانداي شاقىرتۋ قاعازىن العانىنىم جوق. مەن جاي عانا ءوزىمنىڭ دوستارىم مەن تانىستارىمدى تەمىرجول ۆوكزالىندا جولعا شىعارىپ سالدىم. سول جەردە مەنى ۇستادى. ونىڭ سەبەبىن تۇسىندىرگەن دە جوق. مەنىڭ ادۆوكاتىم ءقازىر سوتتا وتىر، ال مەن ادۆوكاتسىز جاۋاپ بەرمەيمىن، –  دەدى ول.

بۇگىن ءوز ءۇيىنىڭ جانىندا «اتىراۋ – الماتى» پويىزىنا  وتىرۋ ءۇشىن ۆوكزالعا بارماق بولعان داريا ولجاعالييەۆ ۇستالدى. ونى پوليسيا دەپارتامەنتىنە الىپ كەلدى، تەرگەۋشى اقىلبەك تايشييەۆ ودان ەكى ساعات بويى جاۋاپ العان.

– مەنىڭ مارتەبەم – تەرگەۋشى. ولار ق ر قك 400 بابى (جينالىستاردى، ميتينگىلەردi، پيكەتتەردى، كوشە شەرۋلەرi جانە دەمونستراسيالاردى ۇيىمداستىرۋ مەن وتكiزۋ ءتارتiبiن بۇزۋ) بويىنشا قىلمىستىق ءىس قوزعاعان سياقتى. جاقىندا ءبىز ماكس بوقايەۆتى بوساتۋ ءۇشىن 1 ناۋرىزدا ميتينگىگە شىعۋعا ادامداردى شاقىرعان بەينەجازبا تۇسىرگەن بولاتىنبىز. دەگەنمەن، پوليسيا دەگەنىنە جەتتى، مەن پويىزعا ۇلگەرمەي قالدىم، – دەيدى د. ولجاعالييەۆا.  

17 اقپاندا بەلسەندى التىنگۇل يشيموۆا پوليسيا دەپارتامەنتىنە جاۋاپ الۋعا شاقىرتۋ الدى. ول بۇعان دەيىن «ساياسي تۇتقىن ماكس بوقايەۆتى بوساتۋدى تالاپ ەتەمىز!» دەگەن ۇرانمەن بەيبىت ميتينگ وتكىزۋگە ءوتىنىش جازعان ەدى. ول الماتى پويىزىنا وتىرعانىمەن پوليسەيلەر ونى ماقات ستانسياسىندا پويىزدان ءتۇسىرىپ الدى. قازىرگى ۋاقىتتا يشيموۆانىڭ قايدا جۇرگەنى بەلگىسىز.

بۇدان باسقا الماتىعا جۇرۋگە ءتيىستى رۇستەم قاجىموۆ جانە جاراس مۋسين دە ۇستالدى. ءقازىر ولاردى جاۋاپ الۋ ءۇشىن پوليسيا دەپارتامەنتىنە الىپ كەتتى.

– جاۋاپ الىپ بولعان سوڭ ولاردىڭ بارلىعى دا بوساتىلادى، – دەپ حابارلادى اتىراۋ وبلىسى پوليسيا دەپارتامەنتىنىڭ باسپا ءسوز قىزمەتى.

سوڭعى كۇندەرى قازاقستاندا ءتۇرلى ايىپتاۋلارمەن 30-دان اسا بەلسەندىنىڭ ۇستالعانىن ايتا كەتۋ كەرەك. پوليسيا دەپارتامەنتى عيماراتىنىڭ ماڭىندا جاڭا عانا اتىراۋلىق قۇقىق قورعاۋشى اسەل نۇرعازييەۆا ۇستالدى.