الماتى قالاسىنىڭ اكىمى باقىتجان ساعىنتايەۆ قالا تۇرعىندارىمەن وتكەن ەسەپتىك كەزدەسۋدە اۋەجاي ماڭىنداعى جەرلەردى قالا مەنشىگىنە قايتارۋ جۇمىستارى تۋرالى مالىمدەمە جاسادى. بۇل تۋرالى اكىمدىكتىڭ باسپا ءسوز قىزمەتى حابارلادى.

– بۇعان دەيىن "كازكوممەرسبانك" كەپىلگە بەرگەن 383 گەكتار جەر كۇردەلى نەسيەلەر قورىنا بەرىلگەن ەدى. ەندى بۇل جەر قالا اكىمدىگىنە قايتارىلادى. ءبىز بۇل تۋرالى ەلباسىنا ءوتىنىش جازعان بولاتىنبىز. ۇكىمەت ءبىزدى قولدادى. ال جاڭا جىلعا دەيىن 383 گەكتار جەر قايتارىلدى. ەندىگى 185 گەكتار جەر قالدى. بۇل اۋەجاي اۋماعىنا تيەسىلى. وسى ماسەلە بويىنشا ءقازىر ۇكىمەتپەن كەلىسسوز جۇرگىزىپ جاتىرمىز،– دەدى مەگاپوليس اكىمى.

سونىمەن قاتار قالا اكىمى الماتى اۋەجايى ماڭىنداعى جەر ۋچاسكەلەرىن زاڭسىز بەرۋ بويىنشا سىبايلاس جەمقورلىققا قارسى قىزمەتتىڭ سوتقا دەيىنگى تەرگەۋ جۇمىستارىن جۇرگىزىپ جاتقانىن ايتتى.

– تالعار اۋداندىق اكىمدىگىنىڭ لاۋازىمدى تۇلعالارى 2015-2019 جىلى قىزمەتتىك وكىلەتتىلىگىن اسىرا پايدالانىپ، اۋەجايدىڭ سانيتارلىق قورعاۋ ايماعىنداعى جەكە قوسالقى ۋچاسكەلەرى، سونىڭ ىشىندە ءتۇرعىن-ۇي سالۋعا جەر بەرگەنى ءۇشىن زاڭسىز شەشىمدەر قابىلداعانى انىقتالدى، –  دەدى قالا اكىمى.