دەموكراتيالىق پارتيا قۇرعىسى كەلىپ جۇرگەن باستاماشىلار دەلەگاتتاردى جاپپاي تۇتقىنداعاننان كەيىن قۇرىلتاي سەزىنىڭ ورنىنا ميتينگ وتكىزەتىن بولدى. بۇل تۋرالى پارتيا باستاماشىل توبىنىڭ جەتەكشىسى جانبولات ماماي حابارلادى.
– ءبىزدىڭ قولداۋشىلارىمىز بەن بەلسەندىلەرىمىزگە قۇرىلتاي كونگرەسىن توقتاتۋ ءۇشىن بۇرىن-سوڭدى بولماعان قىسىمنىڭ سالدارىنان 22 اقپاندا جوسپارلانعان سەزد بولمايتىنىن حابارلايمىز. ءبىراق سول كۇنى ءبىز ادام قۇقىعىن بۇزۋعا قارسى نارازىلىق بىلدىرەتىن ميتينگكە كەلىپ، بۇگىن قاماۋدا وتىرعان جاقتاستارىمىزبەن بىرگە ەكەنىمىزدى كورسەتەمىز ، – دەدى جانبولات ماماي.
جانبولات مامايدىڭ ايتۋىنشا، سوڭعى كۇندەرى دەموكراتيالىق پارتيانىڭ بارلىق وڭىردەگى بەلسەندىلەرى مەن قۇرىلتاي سەزىنە قاتىسقىسى كەلەتىن دەلەگاتتار زاڭسىز ۇستالعان.
– كەشە ماڭعىستاۋ وبلىسىنان سەزگە بارا جاتقان 30-عا جۋىق ادام ۇستالىپ، وبلىستىق پوليسيا باسقارماسىنا جەتكىزىلدى. 5 ادام بەس كۇنگە قاماۋعا الىندى، بۇگىن تاعى بىرنەشە سوت پروسەسى وتەدى. اتىراۋ وبلىسىنداعى بەلسەندىمىز الىبەك مۇسا ۇلى دا قاماۋعا الىندى. قوستاناي مەن سەمەيدەگى جاقتاستارىمىزعا دا قارسى قىلمىستىق ىستەر قوزعالىپ جاتىر، – دەدى دەموكراتيالىق پارتيا باستاماشىل توبىنىڭ جەتەكشىسى.
پىكىر قالدىرۋ