مەملەكەتارالىق اۆياسيا كوميتەتىنىڭ (ماك) باس ديرەكتورى ۆيكتور سوروچەنكو الماتى ماڭىنداعى Bek Air ۇشاعىنىڭ اپاتقا ۇشىراۋ ءساتىنىڭ تەحنيكالىق زەرتحانادا جاسالعان ۆيدەوسىن كورسەتتى.

– مەن وسىعان دەيىن اۆياسيادا وسىنداي جاعدايلاردىڭ بولعانىن ايتتىم. ۇشۋدىڭ مۇنداي پارامەترلەرىن ءبىز 2007 جىلى فرانسيادا بايقاعان بولاتىنبىز. ماماندار اۋە اپاتىنا ساراپتاما جۇرگىزدى. فرانسيانىڭ ورگاندارى بىزگە بارلىق مالىمەتتى بەردى، – دەدى سوروچەنكو.

مەملەكەتارالىق اۆياسيالىق كوميتەتتىڭ باس ديرەكتورى بۇل ۆيدەونىڭ اۆياسيالىق كوميتەتتىڭ تەحنيكالىق زەرتحاناسى نەگىزىندە جاسالعانىن ايتتى.

اپات تۋرالى ايتا وتىرىپ، ول ۇشۋ ءۇشىن قاجەتتى جىلدامدىقتى العاننان كەيىن ەكيپاجدىڭ قوزعالىستى توقتاتۋعا قۇقىعى جوق. ياعني، بۇل ۇشاقتاعى جولاۋشىلارعا ۇلكەن ءقاۋىپ توندىرەدى دەپ ءتۇسىندىردى.

ەسكە سالا كەتەيىك، "Bek Air" ۇشاعى 27 جەلتوقساندا تاڭعى ساعات 7:05-تە الماتىدان نۇر-سۇلتانعا ۇشىپ شىعىپ، ودان كەيىن راداردان جوعالىپ كەتكەن بولاتىن. بورتتا 93 جولاۋشى جانە بەس ەكيپاج مۇشەسى بولعان ەدى.