شقو زايسان اۋدانى اينابۇلاق اۋىلىنىڭ تۇرعىندارى مايقاپشاعاي شەكارا بەكەتىندە تۇنگى ۋاقىتتا قىتايدان ادام مەن تاۋار وتكىزگەنىن ايتتى. بۇل تۋرالى جۇمابەك ءالىمحان اتتى facebook قولدانۋشىسى جازدى.
– الەم ەلدەرى قىتايدان تاراعان كوروناۆيرۋستان ساقتانىپ، شەكارالارىن قاتاڭ باقىلاپ، قىتايدان تاۋار دا كىرگىزبەي وتىر. ال شقو-داعى مايقاپشاعاي شەكارا بەكەتىندە ءتۇننىڭ ورتاسىندا قىتايدان ادام جانە تاۋار وتكىزگەن. مىناۋ نە سۇمدىق! قىتايمەن تۇتاس شەكارامىز جابىق دەگەنى قايدا؟ حالىقتى نەگە الداپ وتىر؟ قىتايدان ۆيرۋس كىرگىزىپ حالىقتى قىرايىن دەپ وتىر ما؟ ءتىپتى كوروناۆيرۋس ەلىمىزگە كىرىپ تە كەتكەن سياقتى. ايتپەسە، بولىنگەن 2 ملرد تەڭگە قايدا جۇمسالدى جانە مينيستر نەلىكتەن ونىڭ ەسەبىن حالىققا اشىق ايتپاي قۇپيا ۇستاپ وتىر؟ ماسقارا عوي مىناۋ! سوندا بۇل بىرەۋلەردىڭ بيزنەسى بولىپ وتىر ما؟ نە دەگەن سۇمدىق! ايتارعا ءسوز جوق، – دەپ جازدى جۇمابەك ءالىمحان.
اۋىل تۇرعىندارى اۋدان اكىمى سەرىك قاسىمبەكۇلىنا شاعىمدانعان. ءتۇرعىندار كەشە ساعات تۇسكى 15:00-دەن باستاپ جينالىپ، اۋدان اكىمىنىڭ كەلۋىن تالاپ ەتكەن.
كەيىن اۋىل تۇرعىندارى "شەكارا جابىلسىن نەمەسە ءوزىمىز شەكارا كۇزەتەمىز" دەپ تالاپ قويعان.
ەسكە سالا كەتسەك، قىتايدا كوروناۆيرۋستىڭ ورشۋىنە بايلانىستى شقو-دا قحر-دىڭ شىڭجاڭ-ۇيعىر اۆتونوميالىق اۋدانىمەن شەكاراسى ۋاقىتشا جابىلعان بولاتىن.
پىكىر قالدىرۋ