ءبىلىم جانە عىلىم ءمينيسترى اسحات ايماعامبەتوۆ مەملەكەتتىك ۋنيۆەرسيتەتتەردە جىل سايىن وتكىزىلەتىن ءارتۇرلى فورۋمدار مەن ءتيىمسىز ءىس-شارالارعا جۇمسالاتىن شىعىنداردى ازايتۋدى تاپسىردى.
– مەملەكەتتىك ۋنيۆەرسيتەتتەر ءتيىمسىز شىعىنداردى قايتا قاراۋى ءتيىس. ءارتۇرلى ءتيىمسىز فورۋمداردى، شارالاردى قىسقارتۋ كەرەك. پرەزيدەنت قاڭتار ايىندا ۇكىمەتتىڭ كەڭەيتىلگەن وتىرىسىندا وسىنداي تاپسىرما بەرگەن بولاتىن. بۇل تەك مينيسترلىكتىڭ اپپاراتىنا قاتىستى ەمەس، كۆازيمەملەكەتتىك مەكەمەلەرگە دە قاتىستى، – دەدى ايماعامبەتوۆ.
سونىمەن قاتار ول جوعارى وقۋ ورىندارى وقىتۋشىلارىنىڭ جالاقىسىنىڭ تومەندىگىن ايتىپ، 25 جوعارى وقۋ ورىندارىندا جالاقى 20-دان 50% - عا دەيىن كوبەيەدى دەپ اتاپ ءوتتى.
– جوو وقىتۋشىلارىنىڭ جالاقىسى تومەن. سوندىقتان، 2020-2025 جىلدارعا ارنالعان ءبىلىم مەن عىلىمدى دامىتۋدىڭ مەملەكەتتىك باعدارلاماسى شەڭبەرىندە مەملەكەتتىك گرانتتاردىڭ قۇنى وسى جىلدىڭ قىركۇيەگىنەن باستاپ ۇلعايتىلاتىن بولادى. بۇل وقىتۋشىلارعا جالاقىنى كوتەرۋگە مۇمكىندىك بەرەتىن بولادى، – دەدى مينيستر.
پىكىر قالدىرۋ