الماتىدا قوعام بەلسەنسى بەسجان تولەۋبەك جالعىز ادامدىق پيكەت وتكىزدى. ول قولىنا قازاق ويشىلى، اقىن شاكارىم قۇدايبەردى ۇلىنىڭ  "جۋانى قىلادى زورلىق، مومىننىڭ كورگەنى قورلىق. تەپ-تەگىس قۋلىق پەن ۇرلىق، ال ەندى ءقايتىپ ەل بولدىق؟" دەگەن  سوزدەرى جازىلعان پلاكات ۇستاپ شىقتى.

قوعام بەلسەندىسى 32-باپتى العا تارتىپ، زاڭدى قۇعىعى نەگىزىندە بيلىكپەن ديالوگ جاساعىسى كەلەتىنىن ءمالىم ەتتى.

– قازاقستان ازاماتتارى الاڭدارعا، پيكەتتەرگە، بەيبىت جيىندارعا شىعۋعا قۇقىعى بار. مەن وسى قۇقىعىمدى اتا زاڭىمدى ەسكەرىپ وسى الاڭدا قورعاپ جاتقان جايىم بار. قازىرگى تاڭدا ءبىر عانا الماتىنىڭ وزىندە 13 قوعام بەلسەندىسىن قاماۋدا ۇستاپ وتىر. ەڭ ارتى 5 تاۋلىك، 10 تاۋلىك كوپتەگەن ازاماتتار 15 تاۋلىككە قامالىپ كەتتى. مەن سوعان نارازىمىن. بيلىككە ءبىزدى ولاي باسا المايتىندارىڭىزدى ايتقىم كەلەدى. ءبىز شىندىقتى، كەرىتارتپا زاڭداردى، قوعامداعى ماسەلەنى ايتىپ جاتىرمىز. ءبىر اۋىزبەن ايتقاندا ءبىز قۇقىعىمىزدى قورعاپ جاتىرمىز. بيلىك بىزپەن ديالوگقا كەلسىن، – دەيدى بەلسەندى.