الەۋمەتتىك جەلىدە الماحان مۇقامەتقالي قىزى ەسىمدى قولدانۋشى قاردان جاسالعان كيىز ءۇيدىڭ ۆيدەوسىن جاريالادى. روليك قىتايدىڭ التاي ايماعى بۋىرشىن اۋدانى شۇڭقىر اۋىلىندا تۇسىرىلگەن.
شۇڭقىر اۋىلى – قىتايداعى شىڭجاڭ اۆتونومياسىنا كىرەتىن ەلدى مەكەن. اۆتور كيىز ۇيلەردىڭ قىراۋ مەرەكەسىنە ارناپ جاسالعانىن ايتادى. كادردان بىر-بىرىنە جاقىنداۋ ورنالاسقان ەكى كيىز ءۇيدى كورۋگە بولادى. بىرەۋىنىڭ الدىندا قاردان تىشقاننىڭ بەينەسى سالىنعان. اۆتور مۇنى تىشقان جىلىنا ارناپ جاساپتى.
– كەرەمەت، جاقسى جاسالىپتى. قارداي قالاي جاساپ شىققانسىڭ ءاي، دوسىم-اي. قاردان جاسالعان قازاق ءۇيدىڭ ىشىندە الما جەپ وتىرعان كۇندەر-اي بولدى بۇل. بۇل كۇندى ۇمىتپايمىز، – دەيدى كيىز ءۇيدىڭ ىشىندە وتىرعان قوناقتار تاڭدانىسىن جاسىرا الماي.
كيىز ءۇيدى جاساۋعا ءبىر ايعا جۋىق ۋاقىت كەتكەن.
پىكىر قالدىرۋ