شەتەلدەگى وپپوزيسيونەر، قازاقستاندا "ەكسترەميستىك ۇيىم" دەپ تانىلعان "قازاقستاننىڭ دەموكراتيالىق تاڭداۋى" قوزعالىسىنىڭ جەتەكشىسى مۇحتار ءابليازوۆ ۇندەۋى بويىنشا ۇيىمداستىرىلعان ميتينگىگە قاتىسقان ەرىك جۇمابايەۆ اتتى ازامات مۇگەدەكتەرگە ارنالعان ارباعا تانىلعانىنا قاراماستان ورال قالاسىنان ارنايى كەلگەنىن ايتتى.
– مەن بيلىكتىڭ تولىعىمەن اۋىسقانىن قالايمىن. ديكتاتورلىق ەلدە ءومىر سۇرگىم كەلمەيدى. نازاربايەۆ – حالىق جاۋى. ول ءتىپتى مۇگەدەكتەر مەن كوپبالالى انالاردى قۋدالايدى. ول – ديكتاتور. ءبىز وسىنداي باي ەلدە كەدەي ءومىر سۇرمەۋىمىز كەرەك. ول بىزدەن ءسوز بوستاندىعىنان باستاپ، پىكىر ءبىلدىرۋ قۇقىعىنا دەيىن ءبارىن ۇرلاپ الدى. ءتىپتى جۋرناليستەردى دە قۋدالايدى، – دەدى ورالدىق ازامات.
مۇگەدەك ازاماتتىڭ ايتۋىنشا، "استانا" الاڭىنا بارعان كەزدە ونىڭ جەكە كۇتۋشىسىن پوليسيا ۇستاپ الىپ كەتىپ، ءوزى قالاي قايتارىن بىلمەي وتىر. ارتىنشا، ونى دا ارنايى جاساق وكىلدەرى ارباسىمەن بىرگە كوتەرىپ، جەدەل جاردەم كولىگىنە وتىرعىزىپ، الىپ كەتكەنى بەلگىلى بولدى.
