قىتايدا كوروناۆيرۋس جۇقتىرعاندار سانى 75 936 ادامعا جەتكەن، ونىڭ 2442ء-ى قايتىس بولعان. بۇل تۋرالى قىتايدىڭ مەملەكەتتىك دەنساۋلىق كوميتەتى حابارلادى.
"مەملەكەتتىك دەنساۋلىق ساقتاۋ كوميتەتىنە 31 پروۆينسيادان (اۋدانداردان، ورتالىق باعىنىستاعى قالالاردان) 76936 ادامنىڭ جاڭا كوروناۆيرۋس ءتۇرىن جۇقتىرعانى تۋرالى اقپارات كەلىپ ءتۇستى. ونىڭ ىشىندە قازىرگى ۋاقىتتا 51 606 ادام ناۋقاستانىپ جاتىر، ال 10688-ى اۋىر حالدە. اۋرۋحانادان شىعارىلعان ناۋقاستار سانى – 22 888، 2442 ادام قايتىس بولعان" دەلىنگەن حابارلامادا.
سوڭعى تاۋلىكتە ەل اۋماعىندا 648-گە جۋىق جاڭا جۇقتىرۋ وقيعاسى تىركەلسە، ونىڭ 2230-ى اۋرۋحانادان جازىلىپ شىققان، ال قايتىس بولعاندار سانى – 97.
قازىرگى ۋاقىتتا اۋرۋدى جۇقتىردى دەگەن كۇدىكپەن 4،1 مىڭ ادام قاتاڭ تەكسەرىلىپ جاتىر. ازىرگە تىركەلگەن ناۋقاستار سانى 106 مىڭنان استى، ولار مەديسينالىق باقىلاۋدا.
