يتاليادا كوروناۆيرۋس جۇقتىرعاننان كەيىن قايتىس بولعان العاشقى ادام تىركەلدى. بۇل تۋرالى ريا حابارلايدى. 

جەرگىلىكتى ب ا ق مالىمەتتەرى بويىنشا، ۆەنەتو وبلىسىندا 78 جاستاعى ەر ادام ۆيرۋستان كوز جۇمدى. ونىمەن بىرگە 67 جاستاعى جۇبايى دا اۋرۋحاناعا ءتۇستى. سوڭعى ۋاقىتقا دەيىن ولاردان كوروناۆيرۋس تابىلماعان، الايدا كەيىن ۆەنەتو پرەزيدەنتى لۋكا دزاييا ساراپتاما ناتيجەسى ۆيرۋستى انىقتاعانىن حابارلاعان. 

بۇل ەۋروپاداعى ەكىنشى وقيعا. بۇعان دەيىن فرانسيادا قاڭتاردىڭ ورتاسىندا حۋبەي پروۆينسياسىنان كەلگەن 80 جاستاعى قىتايلىق تۋريست كوروناۆيرۋستان كوز جۇمعان.

21 اقپاندا يتاليانىڭ سولتۇستىگىندە كوروناۆيرۋس جۇقتىرعاندار انىقتالعان. لومبارديادا ولاردىڭ سانى 15-كە جەتتى جانە جاقىن ۋاقىتتا تاعى ۇشەۋى اۋرۋحاناعا تۇسكەن. 

ۆەدومستۆونىڭ مالىمەتىنشە، يتاليادا ۆيرۋستى جۇقتىرعانداردىڭ جالپى سانى 220 ادامنان استى. قازىرگى ۋاقىتتا يتاليا كوروناۆيرۋستى جۇقتىرۋ بويىنشا الەمدە جۇڭگو مەن وڭتۇستىك كورەيادان كەيىن 3-ورىندا.

يتاليا بيلىگى بۇل ينفەكسيانىڭ قايدان شىققانىن ءالى بىلمەيدى. جاقىندا قىتايعا بارىپ، يتاليادا «نولدىك پاسيەنت» بولىپ سانالعان ەر ادامنىڭ مىسالدارى تەرىس ناتيجە بەردى.

سوڭعى دەرەكتەرگە سۇيەنسەك، يراندا 61 ادام ۆيرۋستى جۇقتىردى دەگەن كۇدىكتە تۇر، ونىڭ 12ء-سى قايتىس بولدى. ال، وڭتۇستىك كورەيادا 803 ادام ۆيرۋس جۇقتىرىپ، 7 ادام ينفەكسيانىڭ قۇربانى بولعانى مالىمدەلدى.