قىتايدا كوروناۆيرۋس ينفەكسياسىن جۇقتىرۋ دەرەگى باسەڭسىگەنىمەن، الەمنىڭ باسقا ەلدەرىندە بۇل اۋرۋدى جۇقتىرعان ادامداردىڭ سانى كۇننەن-كۇنگە ارتۋدا. بۇل تۋرالى تengrinews.kz حابارلادى. 

قازاقستاننىڭ باس سانيتار دارىگەرى جانداربەك بەكشين كوروناۆيرۋس جايلاعان ەلدەردە قازاقستاننىڭ قانشا ازاماتى بارىن ايتتى.

– ارينە، بۇل ماسەلە كۇردەلى. ءاربىر مەملەكەتتە ءبىزدىڭ قانشاما ازاماتىمىز بار. مىسالى، وڭتۇستىك كورەيادا 34 مىڭ ادام، جاپونيادا 180 ادام، يراندا 170-كە جۋىق ازاماتىمىز بار. بۇل قازاقستاننىڭ سىرتقى ىستەر مينيسترلىگىنىڭ مالىمەتى. بۇل ماسەلە قاتاڭ باقىلاۋدا، – دەدى بەكشين.

دەنساۋلىق ساقتاۋ مينيسترلىگى قازاقستاندىقتارعا قىتايدان بولەك، وڭتۇستىك كورەيا، يران، سينگاپۋر، مالايزيا، يتاليا، جاپونيا جانە تايلاندقا بارماۋدى ەسكەرتتى.