قازاقستانداعى جۇڭگو ەلشىلىگى كوروناۆيرۋسپەن كۇرەستە جۇڭگو الدىڭعى شەپتە تۇر دەپ ەسەپتەيدى. بۇل تۋرالى ەلشىلىك Twitter-دەگى پاراقشاسىندا جازدى.
"كوروناۆيرۋسپەن كۇرەستە جۇڭگو الدىڭعى شەپتە تۇر. سوققىنىڭ جويقىنىن كوردى. سونىسىمەن ول الەم الپاۋىتتارى مەن ددس ۇيىمى سياقتى حالىقارالىق ۇيىمداردىڭ سەنىمىنە يە بولدى. ددس ۇيىمى ەكسپەرتىنىڭ ايتۋىنشا، جۇڭگو الەم ءۇشىن باعالى ۋاقىتتى ۇتتى. الەم ۋحان قالاسىنىڭ الدىندا قارىزدار" دەلىنگەن ەلشىلىك جازباسىندا.
كەيىن ول ءار نارسەنىڭ ءوز ۋاقىتى بار ەكەنىن، ۆيرۋس ەرتە مە، كەش پە جوعالاتىنىن جازعان.
كوروناۆيرۋس ۋحانداعى تەڭىز ونىمدەرى بازارىنان تاراعان. كەيبىر اقپارات قۇرالدارىنىڭ جازۋىنشا، بازار قاڭتاردىڭ 1-ىندە جابىلعانعا دەيىن وندا تەڭىز ونىمدەرى عانا ەمەس، جارعانات، تاۋىق، قويان مەن جىلان زاڭسىز ساۋدالانىپ كەلگەن. قاڭتاردىڭ 22ء-سى كۇنى "مەديسينالىق ۆيرۋسولوگيا" جۋرنالىندا زەرتتەۋ جاريالاعان عالىمدار "ۆيرۋستىڭ جىلاننان تاراعانىن" جازدى. مۇنى راستايتىن نە جوققا شىعاراتىن زەرتتەۋلەر ءالى جاريالانبادى.
پىكىر قالدىرۋ