بەلارۋس پرەزيدەنتى الەكساندر لۋكاشەنكو قازاقستاننىڭ ەكس-پرەزيدەنتى نۇرسۇلتان نازاربايەۆتى قحا قۇرىلعانىنىڭ 25 جىلدىعىمەن قۇتتىقتادى. بۇل تۋرالى بەلارۋس پرەزيدەنتىنىڭ باسپا ءسوز قىزمەتى حابارلايدى.
"ءسىزدىڭ باستاماڭىزبەن قۇرىلعان ول بىرەگەي جانە تەڭدەسى جوق جولدان ءوتتى، قوعامنىڭ الەۋەتىن مەملەكەتتىڭ دامۋى مۇددەلەرىندە شوعىرلاندىردى جانە ەتنوسارالىق قاتىناستاردىڭ بەدەلدى ينستيتۋتىنا اينالدى. قازاقستان جەرىندە تۇراتىن كوپتەگەن ەتنوستاردىڭ مادەنيەتتەرىن، تىلدەرىن جانە داستۇرلەرىن ساقتاۋ، ازاماتتاردىڭ قۇقىقتارى مەن بوستاندىقتارىن قۇرمەتتەۋ ەلدە كەلىسىمدى ورناتۋعا، ەۋرازيا ايماعىندا تۇراقتىلىقتى قامتاماسىز ەتۋگە ءتيىمدى قىزمەت ەتەدى"، - دەلىنگەن قۇتتىقتاۋ جەدەلحاتىندا.
بەلارۋس پرەزيدەنتى نۇرسۇلتان نازاربايەۆقا قوناقجاي قازاقستانداعى بەلورۋستىقتاردى قولداعانى ءۇشىن العىسىن ءبىلدىردى جانە وعان مىقتى دەنساۋلىق، بارلىق باستامالاردا تابىس، بارلىق قازاقستاندىققا بەيبىتشىلىك پەن وركەندەۋ تىلەدى.
پىكىر قالدىرۋ