جاپونيانىڭ وليمپيادالىق ءمينيسترى سەيكو حاشيموتو توكيو-2020 ويىندارى كوروناۆيرۋستىڭ ورشۋىنە بايلانىستى كەيىنگە قالدىرىلۋى مۇمكىن ەكەنىن حابارلادى، دەپ جازادى bbc.com.
پارلامەنت الدىندا سۇراققا جاۋاپ بەرگەن سەيكو حاشيموتو توكيو مەن حالىقارالىق وليمپيادا كوميتەتى (حوك) اراسىنداعى كەلىسىم-شارت ويىنداردى 2020 جىلى وتكىزۋگە شاقىراتىنىن مالىمدەدى. الايدا ويىنداردى كەيىنگە قالدىرۋعا رۇقسات الۋ مۇمكىندىگى دە جوققا شىعارىلمايدى. دەسە دە كەيىنگە قالدىرۋ ماسەلەسىندى سوڭعى ءسوز حوك-كە تيەسىلى.
حاشيموتو ەلدىڭ ويىنداردى جوسپارعا ساي وتكىزۋ ءۇشىن بارىن سالىپ جاتقانىن ايتتى.
حالىقارالىق وليمپيادا كوميتەتىنىڭ پرەزيدەنتى توماس باح ۇيىم توكيونىڭ مەسەلەنى شەشە الاتىنىنا سەنىممەن قارايتىنىن جاسىرمايدى. ول بارلىق سپورتشىلاردى دايىندىقتارىن ۇلكەن سەنىممەن جانە تولىقتاي جالعاستىرۋعا شاقىردى.
توكيو وليمپياداسى 24 شىلدە مەن 9 تامىز ارالىعىندا وتۋگە ءتيىس.
قىتايدا پايدا بولعان كوروناۆيرۋس بۇگىندە 60-تان استام ەلگە تارالىپ، وسى ۋاقىتقا دەيىن 3000-نان استام ادامنىڭ ءومىرىن قيدى.
پىكىر قالدىرۋ