بۇل تۋرالى ق ر ىشكى ىستەر ءمينيسترى ەرلان تۇرعىمبايەۆ ۆەدومستۆولار مەن ايماقتىق پوليسيا باسقارمالارىنىڭ باسشىلارىمەن كەزدەسۋ بارىسىندا مالىمدەدى، دەپ حابارلايدى Qamshy.kz اقپارات اگەنتتىگى Polisia.kz دەرەگىنە سۇيەنىپ.

ءمينيستردىڭ ايتۋىنشا، پوليسيا الداعى ۋاقىتتا دا ميتينگ كەزىندەگى ءتارتىپ بۇزۋ ارەكەتتەرىمەن كۇرەسۋدى جالعاستىرادى.

"پوليسيا ءۇشىن ەڭ باستىسى – قاۋىپسىزدىك پەن قوعامدىق ءتارتىپ. زاڭدى سىيلايتىن ازاماتتار ءۇشىن الاڭدايتىن ەشتەڭە جوق. ال ميتينگىگە جۇمىسقا بارعانداي شىعاتىن جەكەلەگەن ازاماتتار قوعام تىنىشتىعىنا ءقاۋىپ توندىرەدى. ولار ءالى كۇنگە ارانداتۋشىلاردىڭ ىقپالىندا ءجۇر جانە وكىنىشكە قاراي، بەيبىتشىلىك پەن تۇراقتىلىق ءبىز ءۇشىن ەڭ باستى قۇندىلىق ەكەنىن، ونى قاستەرلەپ ۇستاۋ قاجەتتىگىن تۇسىنبەيدى. سوندىقتان پوليسيا الداعى ۋاقىتتا دا ەلىمىزدىڭ جانە ازاماتتاردىڭ قاۋىپسىزدىگىن ساقتاۋ جولىندا قىزمەت اتقارا بەرەدى. ەلدەگi بەيبiتشiلiك پەن قازاقستان حالقىنىڭ تىنىشتىعىن قورعاۋ – بۇل ءبىزدىڭ باستى مىندەتىمىز! – دەدى ە.تۇرعىمبايەۆ.

وسىلايشا، ءىىم باسشىسى قۇقىق قورعاۋ ورگاندارىنىڭ قىزمەتكەرلەرى تۇراقسىزدىق پەن زاڭ بۇزۋشىلىققا قاتىستى كەز-كەلگەن ارەكەتتىڭ جولىن كەسۋدى جالعاستىراتىندىعىن اتاپ ءوتتى.

سونىمەن بىرگە مينيستر جيىنعا قاتىسقان باسشىلارعا زاڭعا سايكەس پوليسيا قىزمەتكەرلەرىن زاڭسىز جانە ارانداتۋشىلىق ارەكەتتەردەن قورعاۋدى قامتاماسىز ەتۋدى تاپسىردى.