ق ر اقپارات جانە قوعامدىق دامۋ ءمينيسترى داۋرەن ابايەۆ قاراعاندىدا بەيبىت ميتينگ وتكىزۋ بويىنشا زاڭ جوباسىن تالقىلاۋ بويىنشا اشىق الاڭدا قوعام بەلسەندىلەرىنىڭ، جۋرناليستەردىڭ، عالىمداردىڭ سۇراقتارىنا جاۋاپ بەرۋدە، BAQ.KZ.
مينيستر ءوز سوزىندە ميتينگتەن قورىقپايتىندىعىن، سول سەبەپتى دە قوعامدىق تىڭدالىم وتكىزىپ، حالىقتىڭ پىكىرىن ءبىلۋدى ماقسات ەتەتىندىگىن ايتتى.
– اتالعان زاڭ جوباسىن حالىقتىڭ ءجۇز پايىزى قولداپ وتىر دەپ ويلامايمىن. كەيبىر ادامدار ميتينگكە شىققىسى كەلەدى، ال كەيبىرەۋى بۇعان قارسى. سوندىقتان دا وسىلاي جينالىپ، تىڭدالىم وتكىزۋ ارقىلى ءبىر بالانسقا كەلۋىمىز كەرەك. ياعني، ءوز ويىن ايتقىسى كەلەتىندەر باسقا تۇرعىندارعا كەدەرگى كەلتىرمەۋى كەرەك، – دەيدى داۋرەن ابايەۆ.
ونىڭ ايتۋىنشا، جاڭا زاڭ بويىنشا حالىقتىڭ ايتارىنا شەكتەۋ قويىلمايتىن بولادى.
– ءبىز ميتينگتەن قورىقپايمىز. ءبىزدىڭ ويىمىزشا، ميتينگ زاڭدى تۇردە، ايقاي-شۋسىز ءوتىپ، ادامدار وزدەرىنىڭ تالاپتارىن، ويلارىن جەتكىزۋى قاجەت. پيار ەمەس. باستى ماقسات – حالىق ءوز ويىن جەتكىزۋى كەرەك. وسى زاڭ اياسىندا ادامدار ءوز پروبلەماسىن ايتىپ نەمەسە يدەياسىن ايتا الاتىنداي مۇمكىنشىلىك بەرەمىز. قالعان ماسەلەنىڭ كوپشىلىگى زاڭدىق تەحنيكا. باستىسى زاڭ جۇمىس ىستەسە، ادامدار ءوز ويىن ايتا السا ەتيكا دا قالىپتاسادى، – دەدى ق ر اقپارات جانە قوعامدىق دامۋ ءمينيسترى داۋرەن ابايەۆ.
